كحـ محمد الكرشمي ـيلان
03 - 11 - 2006, 23:39
اخواني الغالين في الميدان
السلام عليكم ورحمة الله وبركاته
من الارشيف ,,,, وطلب لبوبندر
صوت وصدي اتمنى ان ينال اعجابكم
قصيدة الدكتور حمد العصيمي
يا عظيم الشان يا ربي ويا معبودي= يا رحيم رحمته عمت على البريه
انت ابك حبل الرجا يا خالقي معقودي=عقدة من فوق عقده با الرجا مطويه
دلني درب النبي وحوضه المورودي=تحت ظلك يوم مابه غير ظلك فيه
في نهار تذهل المرضع عن المولودي=كنها ما جابته واحد من الذريه
واجعل الجنه نصيبي والعباد شهودي=يا كريم الوجه وارزقني مية حوريه
ثم وفق لي رفيق ما يبيح سدودي=يحفظ سدودي وتبقى بيننا سريه
يا نديبي فوق موتر ما بها منقودي=غاليه ماهي رخيصه با الغلا مشريه
جيب في اكس ار مابه طقة فا البودي=(ح) و(ميم)و(دال) فوق اللوحه الخلفيه
والمقاعد لونها بني ولونه عودي=لا نهض كنه سواة الطايره الحربيه
استلم خط الرياض وحط فيه وقودي=وادعس البنزين في لحظه وتاصل ميه
دربك اخضر مستوي مابه نزول صعودي=ظني احسن خط فوق الكوره الارضيه
واخذ خط الشاعر اللي لو ذبح مفقودي=ما يعوض فيه ذباحه وسوق الديه
شاعر لو ما خلق( عبد الله المسعودي)=كان قالو ما وجد مثله ولا جا زيه
سلمه للكرشمي والكرشمي موجودي=ديرته ساجر وساجر عامره مبنيه
با الشكاله والرجاله والكرم والجودي=والرجال اللي تضد القوم وقت الهيه
من عتيبه عزوتي ذخري وذخر جدودي=وصفهم ذباحة الحايل ولطم العيه
قبل تعطيه الكتاب اللي معك مجرودي=بلغه مني سلام وردة وتحيه
ثم مده با اليمين ولا عليك ظهودي=واسترح عنده وتاجد حاجتي مقضيه
يا محمد ضاع صيدي والسبب عبرودي=يوم ثورته تعدى الظبيه الريميه
ثارت البندق وطاحت وانتثر بارودي=طاحت البندق من يديني وثارت فيه
والسبب ريم تمادى واستباح حدودي=مع شروق الشمس مدري فاخر العصريه
جادل عفرا سواة اللولو المرصودي=في محاره عمرها شهر وسنه حوليه
لو طعني فارس الهيجا(سعيد الكودي)=في نهار المعركه والنار تقبس حيه
كان اخذت الثار بيديه وقدح زنودي=حاضر بحاضر مهو سلفه ولا عاريه
مير انا مطعون برماح العيون السودي=فا النحر طعنه برمح وفا الظهر جنبيه
صوبتني يا محمد واخلفت مقصودي=روحت هذي على هذي على هذيه
اذبحتني ذبحة المسلم بكف يهودي=وتركتني حي ميت بين شمس وفيه
اتوجد يا محمد والعباد رقودي= وجد منهو فاقد امه ثم فاقد بيه
وانتحت في حفظ قوم تلحق المطرودي=وحفظوها عندهم في قبة مبنيه
دونها حطو ثلاثمية حرس وجنودي=كل جندي في يدينه قنبله ذريه
ليتها يا الكرشمي با الصارم المحدودي=كان ارد القوم واخذ حاجتي بيديه
لو عددهم ياصل الالفين والا زودي=او يقل اربعميه والا يزيد شويه
يا صغير السن لا صار العجاج ركودي=اذكر ايام الرخا واحلامك الورديه
واذكر انك فاقد لك فارس معدودي=قبل مدخال اخر شهور السنه الهجريه
واما انا هبت على الفرقا هبوب النودي=واخذت عقالي مع الغتره مع الطاقيه
حركت صم الجبال وكل غصن وعودي=من جنوب المملكه للمنطقه الشرقيه
ريح صرصر عاتيه من عصر عاد وهودي=جات من ذيك العصور مسيره طرقيه
سايقه قدامها عارض مطر ورعودي=مير ما يحيي نبات الديره المسنيه
الله اكبر يوم شالتني وهجت ذودي=ما بها رحمه ولا رافه ولا ماويه
ياهبوب الريح صبرك والسلف مردودي=مالك الا من يرد الوحده مثنيه
ردي على دكتور الشعر
بسم مرسل نوح وسليمان بن داودي = ربي اللي يحيي الموتي مميت الحيه
لاطلبته قلت ياغفار ياودودي = اغفر لعبدِ فقيرِ غارقِ في غيه
وارحمه لا لف داخل خامه المحرودي = ارحمه قدام يدخل زمهرير ضحيه
واحسن العقبى بوسط المنزل الملحودي = وادخله روضة خلود وجانبه لظيه
عقب ماجتني حروفِ قافها مشدودي = توها تطلع من المرسول لي مرويه
يانديبي فوق جيب مسلكه بركودي = ماعطى درب مسفلت يطوي البريه
فوق طبلونه جهاز القارمن مسنودي = ماورد قبله ولابعده حشى موليه
لامشى يعط الاشاره للسماء وتعودي =للشنب منس التعب فالطرقه العسريه
مشترينه من حفيزه كاش عد نقودي = را. ومعها واو. وقاف ارموزه القدميه
نصه اللي بالمكارم والوفاء مشهودي = الرفيق اللي علومه كلها جديه
موردِ ماهو سراب الصحصح الجرهودي = من عروقه صافىِ ذاته ميه بالميه
وعطه مردودي مدام الحل فالمردودي = وقله اني مستعين بطلسم الجنيه
يابنات الفكر مدي فالكلام وجودي = بعد ماعدل مزاجك دلة بريه
واسبحي بي في مدارات الخيال وعودي = واستمدي من قريني والعمل بالنيه
مرحبا ترحيبةِ تنساق بالكمبودي = واضحه من قلب قايلها مهي مخفيه
بيتها بين الضلوع وسدرها منضودي = ماتقال الا لاهلها راضيه مرضيه
بالرساله مرحبا والجود من موجودي = وبسم شاعرها هلا مسموعةِ مرئيه
ياحمد توي لقيت الجوهر المفقودي = عقب وردت الحبال الجمه المطويه
ماثنيت العزم عنه ولاخسرت اجهودي = ولانخيت ادور الفزعه ولا الجاهيه
من يدي مانيب متحزم ولا مسنودي = محزمي كفي وهي مامورةِ منهيه
لين سقت الحجه البيضا وانا محدودي = وعقبتني ياحمد سحابةِ سيليه
والاماني يالعصيمي حبلها ممدودي = بالتمني قد هزمنا الدوله العبريه
والبنادم لو تمنى بالفنا موعودي = مير حاول تدفع الحسنات قبل السيه
واستعن بالله واصبر والصبر محمودي = وكل رجلِ ما يداري نيته مقريه
وكل رجلِ لارقا للعاليه محسودي = وانت عالي ياحمد واقولها جهريه
ماعلي من الضعيف ولاعنه منشودي = نعنبوه ونعنبوا جده وابوه وحيه
يابنات الفكر مدي فالكلام وزودي = تو لاح البرق غرب وهبت الغربيه
ياحمد لو يخطي الصايد من المصيودي = كل رامي وجهده لو يخطي المرميه
يالعصيمي والاميره قبل تعرف دودي = كانت من المترفات وكانت انسانيه
لين غيرها هواها وانتهت بلحودي = واصبحت عقب التفاخر بالثرى منسيه
وادري انك يالعصيمي تفهم المقصودي = انت عالم والاوادم عندك عليميه
من يجاز الوصل بالصده جزاه صدودي = ياحمد هاذى طباع الناس فالالفيه
محدِ يجني من اشواك السلم عنقودي = والديار المقفره خليا مهى مرعيه
وكل خاين لو لبس تاج الوفا وعقودي = مايغير قيمته تاجه وكثر احليه
وكان قصدك تطلب الفزعه حشدت حشودي = والله اني لعطي امر الغاره الجويه
جاهزِ بالطايره واسلاحها العنقودي = مع غياب الشمس والا غارةِ صبحيه
جو وارض المساله ماهيب رمي فرودي = كل صاروخِ على الرادر له وزنيه
لين اوردك الزلال الصافي القرهودي = تستحل الجوهره فالديره المحميه
يالعصيمي معك والله لبذل المجهودي = معك لو الناس كلِ في يده شبريه
لين نفتح كل بابِ مغلقِ مسدودي = في سبيل الحق يادكتور والحريه
السلام عليكم ورحمة الله وبركاته
من الارشيف ,,,, وطلب لبوبندر
صوت وصدي اتمنى ان ينال اعجابكم
قصيدة الدكتور حمد العصيمي
يا عظيم الشان يا ربي ويا معبودي= يا رحيم رحمته عمت على البريه
انت ابك حبل الرجا يا خالقي معقودي=عقدة من فوق عقده با الرجا مطويه
دلني درب النبي وحوضه المورودي=تحت ظلك يوم مابه غير ظلك فيه
في نهار تذهل المرضع عن المولودي=كنها ما جابته واحد من الذريه
واجعل الجنه نصيبي والعباد شهودي=يا كريم الوجه وارزقني مية حوريه
ثم وفق لي رفيق ما يبيح سدودي=يحفظ سدودي وتبقى بيننا سريه
يا نديبي فوق موتر ما بها منقودي=غاليه ماهي رخيصه با الغلا مشريه
جيب في اكس ار مابه طقة فا البودي=(ح) و(ميم)و(دال) فوق اللوحه الخلفيه
والمقاعد لونها بني ولونه عودي=لا نهض كنه سواة الطايره الحربيه
استلم خط الرياض وحط فيه وقودي=وادعس البنزين في لحظه وتاصل ميه
دربك اخضر مستوي مابه نزول صعودي=ظني احسن خط فوق الكوره الارضيه
واخذ خط الشاعر اللي لو ذبح مفقودي=ما يعوض فيه ذباحه وسوق الديه
شاعر لو ما خلق( عبد الله المسعودي)=كان قالو ما وجد مثله ولا جا زيه
سلمه للكرشمي والكرشمي موجودي=ديرته ساجر وساجر عامره مبنيه
با الشكاله والرجاله والكرم والجودي=والرجال اللي تضد القوم وقت الهيه
من عتيبه عزوتي ذخري وذخر جدودي=وصفهم ذباحة الحايل ولطم العيه
قبل تعطيه الكتاب اللي معك مجرودي=بلغه مني سلام وردة وتحيه
ثم مده با اليمين ولا عليك ظهودي=واسترح عنده وتاجد حاجتي مقضيه
يا محمد ضاع صيدي والسبب عبرودي=يوم ثورته تعدى الظبيه الريميه
ثارت البندق وطاحت وانتثر بارودي=طاحت البندق من يديني وثارت فيه
والسبب ريم تمادى واستباح حدودي=مع شروق الشمس مدري فاخر العصريه
جادل عفرا سواة اللولو المرصودي=في محاره عمرها شهر وسنه حوليه
لو طعني فارس الهيجا(سعيد الكودي)=في نهار المعركه والنار تقبس حيه
كان اخذت الثار بيديه وقدح زنودي=حاضر بحاضر مهو سلفه ولا عاريه
مير انا مطعون برماح العيون السودي=فا النحر طعنه برمح وفا الظهر جنبيه
صوبتني يا محمد واخلفت مقصودي=روحت هذي على هذي على هذيه
اذبحتني ذبحة المسلم بكف يهودي=وتركتني حي ميت بين شمس وفيه
اتوجد يا محمد والعباد رقودي= وجد منهو فاقد امه ثم فاقد بيه
وانتحت في حفظ قوم تلحق المطرودي=وحفظوها عندهم في قبة مبنيه
دونها حطو ثلاثمية حرس وجنودي=كل جندي في يدينه قنبله ذريه
ليتها يا الكرشمي با الصارم المحدودي=كان ارد القوم واخذ حاجتي بيديه
لو عددهم ياصل الالفين والا زودي=او يقل اربعميه والا يزيد شويه
يا صغير السن لا صار العجاج ركودي=اذكر ايام الرخا واحلامك الورديه
واذكر انك فاقد لك فارس معدودي=قبل مدخال اخر شهور السنه الهجريه
واما انا هبت على الفرقا هبوب النودي=واخذت عقالي مع الغتره مع الطاقيه
حركت صم الجبال وكل غصن وعودي=من جنوب المملكه للمنطقه الشرقيه
ريح صرصر عاتيه من عصر عاد وهودي=جات من ذيك العصور مسيره طرقيه
سايقه قدامها عارض مطر ورعودي=مير ما يحيي نبات الديره المسنيه
الله اكبر يوم شالتني وهجت ذودي=ما بها رحمه ولا رافه ولا ماويه
ياهبوب الريح صبرك والسلف مردودي=مالك الا من يرد الوحده مثنيه
ردي على دكتور الشعر
بسم مرسل نوح وسليمان بن داودي = ربي اللي يحيي الموتي مميت الحيه
لاطلبته قلت ياغفار ياودودي = اغفر لعبدِ فقيرِ غارقِ في غيه
وارحمه لا لف داخل خامه المحرودي = ارحمه قدام يدخل زمهرير ضحيه
واحسن العقبى بوسط المنزل الملحودي = وادخله روضة خلود وجانبه لظيه
عقب ماجتني حروفِ قافها مشدودي = توها تطلع من المرسول لي مرويه
يانديبي فوق جيب مسلكه بركودي = ماعطى درب مسفلت يطوي البريه
فوق طبلونه جهاز القارمن مسنودي = ماورد قبله ولابعده حشى موليه
لامشى يعط الاشاره للسماء وتعودي =للشنب منس التعب فالطرقه العسريه
مشترينه من حفيزه كاش عد نقودي = را. ومعها واو. وقاف ارموزه القدميه
نصه اللي بالمكارم والوفاء مشهودي = الرفيق اللي علومه كلها جديه
موردِ ماهو سراب الصحصح الجرهودي = من عروقه صافىِ ذاته ميه بالميه
وعطه مردودي مدام الحل فالمردودي = وقله اني مستعين بطلسم الجنيه
يابنات الفكر مدي فالكلام وجودي = بعد ماعدل مزاجك دلة بريه
واسبحي بي في مدارات الخيال وعودي = واستمدي من قريني والعمل بالنيه
مرحبا ترحيبةِ تنساق بالكمبودي = واضحه من قلب قايلها مهي مخفيه
بيتها بين الضلوع وسدرها منضودي = ماتقال الا لاهلها راضيه مرضيه
بالرساله مرحبا والجود من موجودي = وبسم شاعرها هلا مسموعةِ مرئيه
ياحمد توي لقيت الجوهر المفقودي = عقب وردت الحبال الجمه المطويه
ماثنيت العزم عنه ولاخسرت اجهودي = ولانخيت ادور الفزعه ولا الجاهيه
من يدي مانيب متحزم ولا مسنودي = محزمي كفي وهي مامورةِ منهيه
لين سقت الحجه البيضا وانا محدودي = وعقبتني ياحمد سحابةِ سيليه
والاماني يالعصيمي حبلها ممدودي = بالتمني قد هزمنا الدوله العبريه
والبنادم لو تمنى بالفنا موعودي = مير حاول تدفع الحسنات قبل السيه
واستعن بالله واصبر والصبر محمودي = وكل رجلِ ما يداري نيته مقريه
وكل رجلِ لارقا للعاليه محسودي = وانت عالي ياحمد واقولها جهريه
ماعلي من الضعيف ولاعنه منشودي = نعنبوه ونعنبوا جده وابوه وحيه
يابنات الفكر مدي فالكلام وزودي = تو لاح البرق غرب وهبت الغربيه
ياحمد لو يخطي الصايد من المصيودي = كل رامي وجهده لو يخطي المرميه
يالعصيمي والاميره قبل تعرف دودي = كانت من المترفات وكانت انسانيه
لين غيرها هواها وانتهت بلحودي = واصبحت عقب التفاخر بالثرى منسيه
وادري انك يالعصيمي تفهم المقصودي = انت عالم والاوادم عندك عليميه
من يجاز الوصل بالصده جزاه صدودي = ياحمد هاذى طباع الناس فالالفيه
محدِ يجني من اشواك السلم عنقودي = والديار المقفره خليا مهى مرعيه
وكل خاين لو لبس تاج الوفا وعقودي = مايغير قيمته تاجه وكثر احليه
وكان قصدك تطلب الفزعه حشدت حشودي = والله اني لعطي امر الغاره الجويه
جاهزِ بالطايره واسلاحها العنقودي = مع غياب الشمس والا غارةِ صبحيه
جو وارض المساله ماهيب رمي فرودي = كل صاروخِ على الرادر له وزنيه
لين اوردك الزلال الصافي القرهودي = تستحل الجوهره فالديره المحميه
يالعصيمي معك والله لبذل المجهودي = معك لو الناس كلِ في يده شبريه
لين نفتح كل بابِ مغلقِ مسدودي = في سبيل الحق يادكتور والحريه