ديوان عبدالمعين ابن عقل ابن ثعلي

[موسى بن بندر الروقي]

يابدير ما ازين شبت العصر للنار = لمالت الفيه وحار الظلالي
وهب البراد وسير الجار للجار = وجات السوالف بين غالي وغالي
سوالف (ن) بين النشاما لها كار = ليا مشى فنجال بيض الدلالي
ربعن لهم مع شبت العصر مسيار = ذولا بني عمي وذولا خوالي
يرجعبهم قلبي لياسج وحتار= وتدله بهم عيني لياضاق بالي
افخربهم واجهربهم شق وشعار= وادحم بهم وازحم بهم دون حالي
كم هازهم رمحٍن وخلوه قنطار= وكم رازهم من واحدن واستقالي
ياماتقاضومن عميلن ليابار= قولن لياقلته يصدق مقالي
جمال التخوت مفدرت كل هدار= فتخان الايدي للحمايل جمالي
انا علي اكلفلها بن وبهار = وانته عليك تقوم وتشبها لي
في فيّ قصر(ن) يوم ضل العشي حار = لابدنامن غيب سمر الليالي
لابد من يومٍ به القصر ينهار = ولا نموت ويصبح القصر خالي
ويبقى لمن يبقى على طول الاعمار = وانا نزل غيري وحل ارتحالي
مرت على غيري تراديد ومرار = لاشك مامرت عليه لحالي
ياربي اغفر زلتي وانت غفار = بحسنا جلاله ياعزيز الجلالي
يامن شمل عفوه وعطفه هل الغار = ويامن رست بأمره رواس الجبالي
يالخالق الباري وياالنافع الضار= ياوارث الدنياعليك اتكالي
ماكل ليل(ن) من ليالي أبو سرار = ولادامت الدنيا ببسط وعدالي
يوم(ن) لها اقبالن ويوم(ن) لها أدبار = كم فرقت ما بين غالي وغالي
وليا اقبلت عسلج زهرها بنوار = رجعن يعله كل يوم(ن) خيالي
ياما قطف جنايها من الاثمار = وياما شرب منهاالقراح الزلالي
عشاقهاتضرب له الزمروالطار= وقامت تزهنقله بحسن وجمالي
ولياادبرت عجلن فلكهاليادار= تدرجبه ادراج الرشا للمحالي
ياماسقت من واحدن كاس الامرار= ويامانشاء فيها شبابٍ وزالي
كم عاش فيها من طويلين الاشبار = قوايد الهيجا زحــول الرجالي
اليوم مامنهم على الحزم ديار = هذي منازلهم خلين تلالي
ماكنهم كانو ولاصارماصار= راحوهباً منثورتحت الرمالي
حطولهم فيها عقارات وامدار = وهي دامره وعظام اهلها بوالي
ماكن فيها الهم منازل وميثار= وابوك دنياً مالك اول وتالي
تلعب لياليهابعميان الابصار= لوبرقت فيهالهلهااحتيالي
يا بدير لا تمشى على همش الاخبار = تروح منها بين سين وسوالي
تروح منهافي طويلات وقصار= يكفيك منهادون الاقصاالموالي
وليا جفاك الدار غيره مية الدار = ومناكب الديره عراضن طوالي
ولاتشتشير ابشار من لامعه شار = والعد لاترده بليا مــدالي
وماقل دل وكل شياً بمقدار= ماهيب فوضه كل شياً يكالي
الكيل والميزان لصغاروكبار= شيٍٍ خفيف وشيً منهن ثقالي
ولو مال مع سوق الفضا كله هذار = سولف وفكلها طويل الحبالي
ياخذبغفلات الاجاويدمشوار= يركض على غراتهم مايبالي
حيال ميالٍ مع الهذر منشار = هماز لمازٍ هيال وميالي
لوماينال من الشرف وزن دينار= كنه من امثال ابوزيد الهلالي
وانا بخبره حايط(ن) كل الاسرار = لاهوب لامكسب ولا راس مالي
الناس توخذ بالفوايه والاذكار = وكل (ن) وما حصل على كل حالي
تمت وصل الله على سيد الاخيار = على نبي مرسلن بالعدالي
اعداد ما مالت هماليل الامطار = وماهبت الحايه جنوب وشمالي
وماغرهدالقمري على روس الاشجار= وماهل في عرض السما من هلالي



...............

سـلام ياعـد صباحـه وردنــاكاليـوم ماعينـت لـي ورد جـاكـا
ياعـد ويـن اللـي طراتـه لياجـاكاللـي ليـا جيتـك يجينـي علاكـا
اللي ليا جيتـك يجينـي علـى مـاكواليـوم لاجانـي ولاجــا يبـاكـا
في ما مضى تدهل وروده ضمايـاكواليوم من ورده خلـي جـال ماكـا
اليـوم خلانـي وقـفـا وخــلاكخـلاك واخـلا ورد مـاك وجفاكـا
عد جفيـت سهيـف الـروح يجفـاكواهمه عـلاك الهـم منـول مداكـا
ياعـل همـال السحـاب يتـعـداكشيءٍ يجـي دونـك وشـيءٍ وراكـا
لالاك ماشـد اريـش العـيـن لالاكلكن حاديـه الضمـا مـن ضماكـا
وعساك تسقـى يـوم حنـا نزلنـاكمن جاهـزٍ خيـل عـلاك وسقاكـا
وعساك تمحل واصبح المزن لاسقاكلالاك مـا صـار التفـرق لالاكـا
يازين ياللـي عنـي البعـد ينحـاكالبعـد ينحانـي وعـنـي نحـاكـا
خليتنـي واقفيـت واقفـت رعايـاكواقفت خطاي وعنـي اقفـت خطاكـا
يـاذاك يالطـف الخواصيـر يـاذاكوالله ما اعلـم بـك ولا اقـول ذاكـا
من خوف هـرجٍ يقتفينـي ويقفـاكابـا اتحصـن عـن قفـاي وقفاكـا
اقفيـت ماعلمتنـي ويــش نـيـاكلا اقـول شـح ولا تجـود بعطاكـا
دايم علـى روهـاج قلبـي تحـراكلين انسقم حالـي وانـا فـي رجاكـا
لا ايست منـك ولا عرفنـا نوايـاكولا قلت مطلوبٍ رخص فـي فداكـا
مدحت لي مدك وجـودك وعطـواكوانته عطـاك قريـبٍ مـن رداكـا
ليتـك تعلمنـي بغيبـك ومعـنـاكلين اني اعرف ويـش غيـب مناكـا
مدري تماري لي باالامـزاح منـاكوالا علـي مغـل مثـلـي عـلاكـا
عطني عطاك الله ومد الك واعطـاكلاتقصـر المعـروف منـي الياكـا
ان جاز لي لاماك جالـي بـلا مـاكوان جزت عني جـاز حالـي بلاكـا
والله مع اهل الجود مد الك واعطـاكواقبل ومـن غيـري تبـاه ويباكـا
ياجادلٍ ون جيـت اوصفـك واقـداكلاعبـج لا عريـان عـذبٍ لمـاكـا
لا خوخ لا رمان ما اعرف حلايـاكعـن كـل هـذا عايـزاةٍ حـلاكـا
ولاعنق ريمي الجوازي ليـا صـاكان شاف له ذيـره وزيلـه نصاكـا
ولا ضيمران وساقي العيـن ياطـاكوعـلاه للفـي الظلـيـل انفـراكـا
ياعنبرٍ مـن عالـي الوجـن مجنـاكمـا كـل رقـايٍ ليـا جـا رقاكـا
ولا محمل الشامـي ولا كنـه ايـاكولا انتـه بمثـل لـه ولاهوكمـاكـا
ولا من هل الغربي ولا التهم مربـاكولا من هل الخبت الحتـون الحكاكـا
الشرق مربى لـك ودارك ومشهـاكدارك وديـرة حيـك اللـي ربـاكـا
وجدي على قربك وهرجك ولامـاكلامــاك ياغروٍعـلـى مستـواكـا
لاماك لو امشي واقارن بـا لامـلاكمافي يـدي الا عصـاي وعصاكـا
لاكن مـن دونـك حدونـي دنايـاكدونـك حدونـي وابعدونـي ولاكـا
ان جيت ارودك يا اريش العين وابغاكدونـك حدانـي واحـدٍ ثـم حداكـا
يالله ياللـي كـل عـيـن تـرجـاكياللي جميـع الخلـق تطلـب رجاكـا
انـك تديـره يامـديـرٍ بـالافـلاكيالله يالـلـي لا الـــه سـواكــا
يارب دعـوة مسخـرٍ منـك وليـاكيبغاك تطلـق لـه هـذ مـن هذاكـا
اطلق شبك من منشبه عسر الاشبـاكيـا الله يامطلـق قــوي الشبـاكـا
من منشبه عسر الشبك كيف ينحـاكينحـاك لـو مايحسبـنـه يحـاكـا
ويا رب يوم اطلبك واسألك وانخـاكانـك لتقبـل دعـوة اللـي دعـاكـا
كان اني امشي في مطوعتك وارضاكماذي ولا استاذي واعايـن رضاكـا
واهوه مواذيني وحتى انـت يعصـاكملعونٍ ايـواذي العـرب ويعصاكـا
وانك تحتـه مـن لزايمـك وعـراكيـارب حتـه مـن لزايـم عـراكـا
وانك تجيـه بحيتـن مـن حيايـاكوالا تجيـه بمـرودٍ مـن سمـاكـا
حديتني عنهم عسـى الويـل يحـداكعن شـف بالـي لا رحـم والداكـا
ويومني انخـا الله يضـرك بدنيـاكابغـا عسـاه يفكنـي مـن غثـاكـا
لاشك قلبـي مجحـرٍ منـك واشـاكلاشـاك فـي حـالٍ وحـالٍ اشاكـا
لا شاك في حالٍ وفي حـال شكـاكشـكٍ بــد حويرثـيـن حشـاكـا
وياقلب يوم انصحك واعذلك وانهـاكعييـت تقبـل دعـوة اللـي دعاكـا
اقـول تبعـك للغنـاديـر عـنـاكعنـاك ياقلـب العنـا مـن عناكـا
يلعب بك اطراق الهوى ليـن غـواكواليـوم ميـز رشدكـا مـن غواكـا
لاعاد تعناني وانا عـاد مـا اعنـاكمـن يـوم منحـلاً عليهـم رواكـا
ما احلاك يا قافن على ياك ما احلاكانصح بـك اللـي ياللحـون انتقاكـا
يلعب بك الشاعر علـى قـد معنـاكوعلى هدف معنـاك يطـرح بناكـا
ستيـن بيـتٍ كلهنـه علـى يــاكيازيـن ترتيبـي علـى قـاف ياكـا






هذه قصيدة عبد المعين بن عقل بن ثعلي الروقي العتيبي والتي قالها في الشيخ فيحان بن هذال بن فهيد
الشيباني العتيبي ، والذي كان ابوه قائدا فذا وشيخا للشيابين ، وأحد ركائز قوة قبيلة عتيبه الشهيرة.

وقال عبدالمعين قصيدته التاليه بعد ان قضى الشيخ فيحان حاجته ، وارسل له القصيدة تعبيرا عن شكره :

يا اهل الونيت اللي جديد (ن) مديله
ورد مديله عام خمس وثمانين

ماوردوه الا لمن يستويله
مامهجوه مدورين البعارين

شيلوا عليه وخففوا من مشيله
من وادي (ن) عله صدوق المقابيل

وادي (ن) لعل الغيث يسقي مسيله
وادي المزارع والنخل والبساتين

سجوا لاطراف الفريع ونجيله
يوم اذن المذن لفرض المصلين

ولا إليا راقد خليلن لخلايله
يسري به اللي يسرى من الليل ثلثين

والخط والله مايبيله دليله
خط الجنوب اللي عليه الشيابين

تلقى المجالس والبيوت الضليله
وهذي عوايدهم من اول وهالحين

اهل بيوت (ن) مدورين الجميله
في واجب الدنيا وفي واجب الدين

سلم على فيحان شيخ القبيله
شيخ القبيله والقبيله مطيعين

وقله يابو نواف زبن الدخيله
يا كاسب الجملا اولوف وملايين

مشكور في مد العطايا الجزيله
وألكم على صنع العطايا قوانين

مهوب رديان الوجيه البخيله
هرامة المجلس كروه المعاطين

ولا انت من ساس الحصان الاصيله
هذال اخو هملا صعوط المجانين

زيزوم نمر مثل نبو الرفيله
لشد ناصيهم يشدون مقفين

وألهم على بوش الضديد تحويله
يردون الصادرين المغـبـيـن

مروين مذلوق الرماح الطويله
لامثالهم وامثالهم مستعديـن

وأليا عصوهم للعصاة الاصيله
للحق للذي قر قرت موازين

نرجو ان تحوز القصيدة على اعجابكم


هات القلم واكتب على ماقول يابدير = لخوان وضحا واوصل العلم مني

سلّم على هاك الوجيه المسافير = يوم الليال بغيبهن شقلبني

سمر الليالي والليالي معاشير = تلقح بخير وشر ويولدني

يومٍ تلد باسباب شر وتعاسير = ويومٍ بحلو اثمارهن يطلعني

ويومٍ بتيسير ويومٍ يتعسير = ويومٍ يلاقي خيرهن شرهنّي

ويومٍ مدابير ويومٍ مناحير = وان ناحراً لابد هن يدبرني

أمّا ادبرت ولهن لغيري مشاوير = والا أقبلن سمر الليال وخذني

واقفن بي أقفاي الضمايا عن البير = ماعاد مع مصدارهن يرجعني

أنا وغيري مع دروب المصادير = لين العلوم التاليه يقبلني

هذي سنه يابدير ولها كواسير = مارايدٍ منهم ولا أحدٍ وصلني

غدا بهم شقر البني الغنادير = يبونهن يرضن لايزعلني

يوم الفرح وأيام عيد المفاطير = وأنا عيوني بالبكا عايدني

وأنا لهنّه بين عذّال ومشير = واسترسلن بالدمع ماشاورنّي

لو إن ماجاني من الربع تقصير = مير السوالف والعلوم تغبني

سوالفي تسمر عليها المسايير = ومثايلي يسمر عليها المغني

قلّه يقول الله يوفقهم الخير = وانا عسى الله يرفع الباس عني

ولها على رب السماوات تدبير = محي العظام الميته يبعثني

ياما وياما والليالي مقادير = يلّيمن الشمل ويفرقني

مافرّقن من ناطحين الطوابير = أمرٍ من الباري بعد يومرني

والموت له في كل ديره مداوير = واحد ومامور على أنسٍ وجنّي

يالله بعفوك ياحسين التدابير = ياغافي الذنب العظيم اعف عني










يتبع<<<<<<

[موسى بن بندر الروقي]

وهنا قصيده غزليه مشهوره لشاعر عتيبه





يامل قلبن من هوى العذب متلول = تلت رشا ملحا طويلن قليبه

تلة رشا ملحا على السيم مفتول = تقفي وتقبل به تروح وتجيبه

عليك ياللي حط بالقلب نشبول = شبيت لك بأقصى الضماير لهيبه

روحي بروحه طول الايام مشغول = وأرخي بقلبي شي ماينحكي به

غروٍ تفاصيله على كل مجمول = شره الحلايا بالعذارا غريبه

مربوع في قيماه بالقصر والطول = هافي حشا كل المناظر عجيبه

مافطّروه خبوز حظرٍ على فول = يتلي سهاف الشول يشرب حليبه

مايشرب الاّ من لبن عطّف الشول = عليه من شبّت شبابه غذيبه

وصدر وحصيله بيّن الوسط مفصول = وإن هب ذعذاع النسيم يغديبه

وعنقٍ طويل وقرن أشقؤ ومجدول = ذيل أشقر يكسر حوافز سبيبه

وليل تبسّم عن ثمانٍ كما اللول = يودع صناديق الظماير حطيبه

والعين عين أشقر الريش ناجول = حرٍ علي برق الحباري مصيبه

خفاق صفاق خطيرٍ على الجول = أهواي مخلابه جروحه عطيبه

جاني يتهذلف له بمقطع وبلبول = مقطع حرير وشيلته يغتطي به

تهذلف اللي وخرها الريم جهجول = مع غبّة الربه مسيبه مغيبه

يرعى طرف خدٍ من الوسم مسيول = مجهول من غب المطر ماوطيبه

خزّت وفزّت شافت الخد منزول = خافت وشافت واستذارت رعيبه

حازت مع الحزم البراحه عن الغول = تعطي مصاقيل البراح وجذيبه

هذي تفاصيله على كل ماقول = يفرق على غيره عنا من بليبه

قالوا لي أنسه قلت ماهوب معقول = قالوا نسيك وقلت له مايعيبه

الحب من بين المحبين بوصول = مارضى ولا يرضى علي الغليبه

لاسلت عن غيره ولاني بمسيول = دايه دوايه طب روحي طبيبه

ان عالج الدا بالدوا منه مكفول = وليا تحمّل ذنبي الله حسيبه

علاه باب القلب مغلق ومقفول = ومفتاح باب القلب لامى حبيبه

ارسلت لي يمه ثلاثين مرسول = مامنهم اللي راح ماقال اجيبه

اول مراسيلي لهم قارع الحول = واتلااهم امس وكلهم في المغيبه

لاشك مايقض الغرض كل مبدول = ابطوا ومرسول البطى منه ريبه

ولا الرجال اللي صناديد وزحول = عيّوا وخطوتهم عليّه صعيبه

وأنا تعرض لي نشابيل وشتول = مدري نصيبي فيه ولانصيبه






ويقول أيضا




صاحبي سمر الكفر دونه يبيدي = من رهاريه الرمال يبيّدنه

والخطوط اللي تروّح في البريدي = تنقطع من دون خلي مايجنّه

والخطوط السود والفرت الجديدي = إن سلمنا من خطرهن ياصلنّه

والخطر والخط الاسود والحديدي = علّم السواق لاياثق بهنّه

والله اللي يقتضي فيما يريدي = لاتظنن والقدر مافيه ظنّه

ماخلقت الا شقي ولاسعيدي = حطك الله بين نار وبين جنّه

ماعليك من القريّب والبعيدي = القريّب والبعيد يقربنّه

ان عطيته راحته هل من مزيدي = وان ترسته بالتروس يثقلنّه

ماأزين المرواح صوب ديار سيدي = والدركسون اليدين يلاعبنه

ناصٍ اللي كنّها عنز الفريدي = ياثمر عودأدميٍ جا من مغنّه



لاضاق صدري قلت يا قاسمت خيـر = سج القدم يمشي على غيـر داعـي
عديت للعالـي بعالـي النواضيـر = وادله ليا شفته على الحزم اشاعي
واسهروساهرت النجومالزواهير= لامايجي للفجرنوروشعاعي
قالولي ابله قلت ياهل التفاكير= هاذي علوم اهل العوم الضياعي
وانا مغير مولع القلـب يـا بديـر = اشـري وابيـع مشترايـه وباعـي
والله مغير اصخر القـاف تصخيـر = تصخير مادوب العصا لين اطاعـي
ومن دق به مثلي هجوس وحواشير = يضيق بـه لـو الطريـق اتساعـي
امقابلن خضـر الودايـاالمهاجيـر = على حفافـن بيـن حـره وقاعـي
والله لو ان الغرس والقصر والبيـر = تمشي على مافـي هوايـه وناعـي
عن ديرتن فيهـا تـدب الجعاريـر = وفيها الدجاج وماشبـه لـه يعاعـي
لشدوانزل في مرب الخواوير= وامشي مع الحزم السماح الوساعي
ليااختلط نبت الزهروالنواوير= غزيت في العبله عمود الشراعي
غربن من النفره جنوب المخاضيـر = شرقن من الفيضه شمال الكراعـي
ياويـل مرباعـن بهـاك النهابيـر = وياوي سلفانن بهـا القلـب ياعـي
تلقا بها سمـر البيـوت الدواويـر = سمر البيـوت مثولثـات الرباعـي
بأطرافهـا كنه قصابـة جزازيـر = يفرح بها الطرقي لياأضرم وجاعـي
واهي بيوتـن متيهييـن المعاشيـر = ألاد روق أهل الطعـون الوساعـي
اللي ابهم شقـح البكـار المغاتيـر = ترعا بهم فالخوف من غيرراعـي
تلقابهـا شقـر البنـي الغناديـر = زرع القلوب لكـل قلبـن ولاعـي
اللي لهن بمولع القلب تاثير= قسمٍ من البنك الكبيرالزراعي
واللي لهن من طب الامراض تقرير= تقرير طبٍ للقلوب الوجاعي
اخـذتلي معهـم مطيـر ومشاويـر = ركضة جهل يـوم الهلـع والدلاعـي
واليوم عنه اقفيت لوهن مناحير= حسم ٍلحل المشكله والنزاعي
واقفيت عنه اقفاي ركب المعاييـر = واخذت من تالي المحبـه وداعـي
الا بحـب اللـي بنـاري مصاييـر = سمرن على جال المنـاره مقاعـي
يازيـن شبـت نارهـا للمسايـيـر = لجالهـم عنـدي عليهـااجتماعـي
اخـذ بهـم زال الحيـاة التعابيـر = والا انهـا ماغيـر عـبر ومتاعـي
واسند عليهم فـي ليـال المعاسيـر = ويروح شبري في محطـة ذراعـي
والاهي الدنيابربح ومخاسير= يومٍ حدورويومٍ الها ارتفاعي
ولا كل طيرن ينتقلـد علـى طيـر = ولا كل من هام الشجاعه شجاعـي
ماينتقلـد بالحـرار العصافـيـر = ولاينتقلـد بالقـرمـب الافـاعـي
لو قلدواشيٍ علـى شي تغييـر = مايتقلـد بالطبيـعـي صنـاعـي

.................................................. ........

ارس ياغرس عليك النا مهابه=لاتزعزعك الحرايب والوعيده
الحرايب من على وقت الصحابه=مضحيه ويصيدنا والا نصيده
وان قنع بالحق يوم الحق اصابه=وان جزع واللي يريد الله يريده
لاصحيب ولانسيب ولاقرابه=من بديده وانت عنا من بديده
يجتهد فينا وحنا في هبابه=واذبح الضاوي ويذبحك القعيده
لايظن بزود منا ويهقابه= والله انا اقرب لروحه من وريده
وان بغى يقنع على مابي ومابه=وان بغى كتب الافاده مايفيده
وان بغاه يروح يوم وما غدابه=وان بغيت تولع النار الوقيده
علموهم يامطير ويا عتابه= يحسب الرجال يغدي به جحيده
ما ذبحناهم غلط والا غهابه=عمد واللي ماضي منهم نعيده
سلفة(ن)ردت عليه وسد بابه=في الفقيده ما يسد الا الفقيده
جارنا وكلابنا تنبح كلابه=مانحاوج بالمطاريش البعيده
وان ورد له مارد(ن) نشرب شرابه=وان صدرنصدر ونرده مع وريده
وان بغيت الصلح بين لي كتابه=واطف نار الحرب والهجره مهيده
وان بغيت الحرب بذتك الحرابه= الحرايب قدمنا بذت عبيده
شب نار الحرب والبس من ثيابه=واعذرالحكام واعلن في الجريده
الاسود مع الفهود مع الذيابه=والبحور اللي مغارقها سديده
واحتسب للحرب واصبرفي حسابه=والسلاح جداد والفتنه جديده
ساع ما ركب حديده في خشابه=والفشق مو جودوايامك وجيده
وانت من خنذف وحنا من شبابه=ثم كل عز راسه من عضيده
العتيبي من رهاط ليا اللهابه=والمطيري من طويق الى اللبيده
وانت في لابه وانا في جوف لابه=لابة(ن)تذري محاجيها جويده
من وفا يومه وزلت له وجابه=ما نقص منا الحساب ولا يزيده
وانت لك عامين تلعب بالربابه=كيف تلعب بالربابه والقصيده
تحسب إناماعليك إلنا اقلابه=لو صبرناعنك تحتر الحديده
مير حنا في محاكمة النبابه=في ورود الصك حده وتحديده
ثم والله ماتروح بزود جابه=لين ما يبقى لتاليكم شريده



صاحبي سمر الكفر دونـه يبيـدي
مـن رهاريـه الرمـال يبيّـدنـه

والخطوط اللي تروّح في البريـدي
تنقطع مـن دون خلـي مايجنّـه

والخطوط السود والفرت الجديـدي
إن سلمنا من خطرهـن ياصلنّـه

والخطر والخط الاسود والحديـدي
علّـم السـواق لاياثـق بهـنّـه

والله اللي يقتضـي فيمـا يريـدي
لاتظنـن والقـدر مافيـه ظـنّـه

و يش بعد الموت من حبل الوريدي
ميـر بحسـاب المنايـا يجذبنـه

ماخلقـت الا شقـي ولاسعـيـدي
حطك الله بين نـار و بيـن جنّـه

ماعليك مـن القريّـب و البعيـدي
القـريّـب والبعـيـد يقـربـنّـه

ان عطيته راحته هل من مزيـدي
وان كرستـه بالتـروس يثقلنّـه

زين مرواحه لصوب ديار سيـدي
والدركسـون اليديـن يلاعبـنـه

ناصٍ اللي كنّهـا عنـز الفريـدي
ياثمر عودأزرق ٍ جـا مـن مغنّـه



.............................

ياموتـري ذب الخـلا مـع فيافيـه
واقطـع مهاميـه الخـلا لا تبالـي
خل القراش وموقفٍ عنـد راعيـه
في موقفٍ يرخص طوال السبالـي
ماني براعي موقفٍ فيـه مـا فيـه
يرخص به الرجال لو كـان غالـي
درب الشرف مفهوم وأمشيه واعطيه
مع دروب جداني وابوي وخوالـي
أبـوي وصانـي وجـدي موصيـه
على الشرف وانا بوصـي عيالـي
عن هرج خبلٍ ما يحسّـب قوافيـه
لوكان ما ياصـل مشـرك نعالـي
اللي يجيـب الحكـي وألا يوديـه
ولا ليلةٍ غـادر عشـا أم العيالـي
حرصٍ على المقفي يحذفه ويرميـه
رماه عبرود الرصـاص العجالـي
هذا ومثله ويـش مصلوحكـن فيـه
ياكـا حـلات عيونهـن بالدلالـي
يالله يغربـل عشقتـه ويـن تغديـه
ما فيه لا مكسـب ولا راس مالـي
الخبـل والمسكيـن هـذي مباديـه
هزله وماصلها الضعوف الهزالـي
جمسي على قطع الفيافي مضريـه
للرزق شرق وغـرب والا شمالـي
والا جنوب ودبرتـه عنـد واليـه
الرزق عنـد الله عزيـز الجلالـي
لا سارقٍ جمسي ولانـي بشاريـه
لكنه أغلاّ مـا معـي مـن حلالـي
جاني هديـه مـن رفيـقٍ عطانيـه
وأنا ولد عمـه وهـو راس مالـي
من فضل أبو نايف عسا الله يعافيـه
يبقـى لنـا ذخـرٍ بسمـر الليالـي
الضيـط بـدر ليـا بغينـا نسميـه
مـورد حبـال قصيريـن الحبالـي
ولاهيب بدعه مير من طبع أهاليـه
طبع له العمهوج فـي اول وتالـي
من طبع شالح واحتموهـا نشاويـه
منسف وسيـف ومدهـلٍ للرجالـي
وملجى الضعيف الي تقطع عوانيـه
عن زود مـدات اليديـن الطوالـي
ياما عطوا من حـرةٍ تسبـق التيـه
وقحص المهار مجـدلات الحبالـي
ورجالهـم مـا تنتعـدد حسانـيـه
يامـا ويامـا مـيـر مماطـرالـي
عسـا لهـم حـظٍ ينـادي مناديـه
ويجعل لهم ميـل الليالـي عدالـي
حظٍ يقوم لهم علـى مثـل ماضيـه
بحسناك يا منشي صدوق الخيالـي


يتبع<<<<<<

[موسى بن بندر الروقي]

أول كـلامـي لا الـــه الا الله
رب البريـة خـالـق الأكـوانـي
يقول ابـن ثعلـي وهـاذي هديّتـه
هديتـي وأصلـي لهـا تبيـانـي
يانـاشـدٍ عـنّـي ولا تعرفـنـي
يكفيـك ماتسمـع مـن العنوانـي
أصلـي عتيبـيٍ عريـبٍ ساسـه
علـى ماقـال بديـوي الوقدانـي
يقولـهـا راع المـثـل قـدامـي
خيـار الدلايـل جـرة الفرسانـي
ربعي عتيبـه عـز منهـم ربعـه
ليا كظّـم البرطـم علـى النيبانـي
أعلـى قراياهـا الحجـاز علوهـا
وأسفـل منازلهـم ليـا الصمانـي
دولة هل العوجـا تحـت رايتهـم
سابق ولاحق من علـى الجدانـي
واليـوم قايدنـا العديـم الفيصـل
فيصل وفيصل حيـزب الرحمانـي
فيصل ولا فيصـل يسمـى غيـره
ضـد الضديـد مفـرق الخلانـي
لو الضديد مـن الحديـد ضلوعـه
ياطى على صلب الحديـد ولانـي
هو سيفنـا الباسـل وهـو رايتنـا
هو قصرنا الثابت على السيسانـي
ساسه على التوحيد والراي والضفر
والشرع وأحكامـه هـي البيبانـي
ولـد عديـمٍ ناجبـه مـن راسـه
مرحـوم ياهـاك العديـم الفانـي
عبدالعـزيـز الله يبـسّـط خــدّه
في روضة الجنه عسـاه أجنانـي
وعقّـب لنـا سربـة عيـالٍ مثلـه
والكل فيصـل والجميـع أخوانـي
من لابةٍ من ذخـره ابـوه وجـده
الاد مقـرن كلهـم مـن دانــي
تكاتفـوا فيـهـا بـشـد أبنـاهـا
ليـن استقـام السـاس والبنيانـي
والملـك واحـد والسعـد بيـد الله
الله يساعدهـم عـلـى الخـوانـي
ما تصفـق اليمنـا بـلا يسراهـا
ولايرتفـع طـيـرٍ بلاجنحـانـي
انـا اشهـد إنـا نفتخـر بملوكنـا
والله واللـي نــزل الفرقـانـي
حيـث أنهـم حكـم العدالـه فينـا
حكم العـدال وشوكـة الميزانـي
يـا عطفهـم يالطفهـم بضعوفنـا
نصر الضعيف ومتعـة الجيعانـي
واليا عوى ذيـبٍ لذيـب وحـاول
وردّ البـرى وأحتكـت العيدانـي
نلطم بهـم وجـه المعـادي عنّـا
كل ابلجٍ يصهل صهيـل أحصانـي
ينصون عنّـا المشكـلات الهامـه
ولهـم فعـولٍ ماضيـه برهـانـي
ولهـم تـاريـخ جـديـد ودارس
ولهـم بتاريـخ القـلـم ديـوانـي
حكامنـا مـنـا وحـنـا منـهـم
والكل في حكمـة عظيـم الشانـي
وهمّـه قوايدنـا وضـد أعـدانـا
وحنّا الصفوف وعسكـر الميدانـي
صفّوا صمود الراي دون أوطانهـم
عليـه مـن يـم الضديـد أمانـي
أوطانـنـا ياطامعـيـنٍ فـيـهـا
الهـا حـدود تحتـم الأوطـانـي
الحد مـن يـم الجنـوب الغربـي
تسعين كيلـو مـن ورى جيزانـي
والحد من يـم الجنـوب الشرقـي
لهـا الخليـج العربـي حـدانـي
منهـا الوديعـه حدنـا ونعـرفـه
وكـل يعرفـه لازمـى الغلطانـي
لنـا بتاريـخ الـزمـان السـابـق
ويبقـى بتاريخـه علـى ماكانـي
ومن شرق من حد الكويت وغرب
ومن الشمال الحـد مـن عمّانـي
هـاذي حـدود المملكـه ياجاهـل
يشعر بها فـي السـر والاعلانـي
يفهم بهـا القلـب اللبيـب الفاهـم
ويدري بهـا الصمـان والعميانـي
وحنا وراها مـن يمنهـا وشامهـا
واللي تهاون فـي الحـدود يهانـي
فيهـا مـن القـوات ماحاميـهـا
بـإيـرادة الله ثــم بالشجعـانـي
نـدرب الشبّـان ضــدٍ لمثلـهـم
ونقـابـل الشيـبـان بالشيبـانـي
ونجهـز القـوات ضـدٍ لغيرهـا
ونقـابـل النـيـران بالنيـرانـي
ونقابـل المسـوي بسـوء اعمالـه
ونقابـل الاحسـان بالاحسـانـي
يامـا لطمنـا دونهـا مـن عايـل
ليـا نزغتـه نزغـة الشيطـانـي
يـومٍ يجـي منـا وضـد أعدانـا
يغضب ابليس ويرضي الرحمانـي
مـن ذاق ضربتنـا النهـار الاول
والله ليقنـع فـي النهـار الثانـي
كم ساعـةٍ رفـرف علمنـا فيهـا
مستبشـرٍ بالنصـر والبهجـانـي
الله خلقنـا الهـا ومنهـا وفيـهـا
وحنا لهـا عـن ميلـة العدوانـي
جيـشٍ وقيـادة تـروسٍ جـنـوده
اللي لهـم حمـر البـدال اكفانـي
يـروس قيـادة شبـول ابطـالـه
مـن راي عبـدالله ليـا سلطانـي
عيال الملوك اللي علـى ديـن الله
هدامـة الاصـنـام والاوثـانـي
حنا علـى ديـن الرسـول محمـد
دستورنـا التوحـيـد والايمـانـي
وصفوة قريش اللي نزل بالطاعـه
نـزل عليـه الوحـي والقرانـي
هـذا وصلـى الله عليـه وسـلـم
افضل صلاتي وافضل الرضوانـي



....................


وابكرتاه اللي غـددت بيـن الاذواد
يوم اصطفاق الطرش من كـل نيـه
برقـا وروق وحـرب والاد عبـاد
وسليـم والبقمـا هــل الاركـيـه
علـى قليـب يدهلـه كــل وراد
وكل يجي لـه مـن بعيـد النحيـه
ميـه يزيـد وفوقـه الـورديـزداد
ولا ماله الغـراف مـن كثـر ميـه
واخذت فوق الماءليا الـورد منقـاد
لاعنـد شـي ولا مـورد ظمـيـه
وليا علـى الماءواحـد قـال يـالاد
وش حاجتك قلت إله ويش إلك فيـه
قال إيه هما لك علـى العـد مقعـاد
قلت إله ابا أخذ ميـر لثـة شويـه
وليا على الماء جالس غيره اجـواد
قالوا هما لـك قلـت قاعـد هنيـه
قالوا هما لـك حاجـة قلـت نشـاد
مذهب عسى الله ميـر يعقـل عليـه
قالوا هما لك ذاهبه قلـت وش عـاد
وش عاد من مالي بقـى فـي يديـه
قالوا هماهو ويش هو مالـك الغـاد
اموالك اللـي غاديـه ويـش هيـه
ثلت اه ما معكم خبر ميـر الامـراد
بكره غدت لـي بيـن هـذي وذيـه
عفـرا عليهـا بيـن الوسـم منقـاد
ماهـوب نـارولاش وسـم حليـه
هليـل بيـن الحجاجيـن وعضـاد
ورقيمـة فـي الخـد ماهـي بكيـه
قالوا همن هذي بلـه يابـن معتـاد
لاشـك ماهـذي بلـك قلـت ليـه
قالو متى هي غاديـه قلـت بجمـاد
واتـلا لهـا ذكـر نهارالضحـيـه
قالوا غدت قلت الله امَـر بمـا اراد
قالـوا همـا معنـا لهـا مخبريـه
قلت اذهنوهاوانشدوا كـل مـن راد
تجسـسـوا بالبيـنـه والخـفـيـه
قالوا هما هـذي بنشـده فقـم نـاد
صوت وسايل كـل راعـي رعيـه
قلت اه ما فاد النداء فيـه مـا فـاد
هذاه انـادي كـل صبـح وعشيـه
وارمي بصوتي وانطلـه بالتجهـاد
يامـن ذكـر لـي ذاهبـه يالفـيـه
وازريت وافحانـي كثيـر التـرداد
وارذلت في حالي وحـال المطيـه
ومن لـه ذهيـب مـا تهنىبمقعـاد
ومن لاغـدى لـه ذاهبـه وا هنيـه
وراع الذهيب يروح في طرد واجهاد
يشقى ليـا صـار الذهيـب معنيـه
ان جيت اخل الذاهبه طالهـا المـاد
وان جيت ادور رحت مثل الجنيـه
ولها هنيا حـروة مـع هـل الـواد
من النجيـل اليـا شعيـب الوديـه
تجسسـوا لـي وانشدوابالتـوكـاد
ترا بهـا هـاك المساحـي حريـه

...................

الا ياغريـر ٍمـرّ نـي تالـي النهـار
يماري بشقـر ٍ فـوق متنـه رجدهنـه
نهوده سوات البيض تحت اللباس اصغار
ولاردّهـن للـورع يرضـع ثمرهنـه
ليا اطرق بحجر العين ثم لـد بالانظـار
ذبحني بسهراج الهـوى فـي نظرهنـه
بعـد شـب فيَـه بالنظرقلـت ياغفـار
عسى الله يحل رواه ما اضفى هدبهنـه
على محجـر ٍماكنـه الا زهـر نـوار
ويكحل عيون ٍ ذايـب الكحـل يزهنـه
والا يالعيـون ابكـن وهلّـن بالاعبـار
على ضامر السرجوف هلّـن عبركنـه
على واحدٍ ماسارفـي سايـر الاقطـار
عديـم الوصايـف لابعـد راح تنسنـه
وانا حالفٍ ماانساه لوهـو بعيـد الـدار
ونحني خطايـه عنـه واخطـاه ينحنـه
وانايوم شفته لمـح عنـد اول الانشـار
على معتجل واحرق بي احراقـة البنـه
وطيته غياب الشمس فوق النضا مـرار
وعجلاً بـي العيـرات وأقفـنّ ماجنـه
وقلـت السـلام وقـال بالله ياخـطـار
عليكم عزيمه والعـرب فـي سنعهنـه
وقلت لخويي ويش عندك من الاشـوار
تبانـا نـمـر الـنـزل والا يتعـدنـه
وقال العشي يمديك والدرب عنه يسـار
وحنا على اللي رقرق الحـزم يطونـه
انافوق ريمه وانت فوق اشقـر ٍ زعـار
يفزن مـن ظـل العصـى مـا يداننـه
وعيـا يطاوعنـي لعلـه طعـام النـار
وعسى ابوه ما يعرض على بارد الجنه
وشحنا عليهن بالعصي وادبحـن عبـار
مشاويح واقفن عن عشيـري شحوهنـه
ولديـت يمـه قلـت لـه والله الجبـار
لودَيت هرجتكـم وعنـدي مـن السنـه
ولقا وراه ليادموعـه علـى الاحجـار
وصديـت عنـه ليادموعـي كماهـنـه
وقلت الله اخبر يااريش العين بالاسـرار
تعديتكـم مـاهـو بحـقـران لكـنـه
ادورذهيـب عنـه لايــذة الاخـبـار
هذاه الشتا وهوه غدى العام فـي الكنـه
هذامـن عنايـه كـل يـوم وانـا دوار
الا واعنـايـه والنـضـا وا عناهـنـه
وانا ما استريح وغاديٍ لي ثلاث ابكـار
خمارا تحالا فـي الحـلا كلهـن سنـه
وانابتعذر منـك وانـت اقبـل المعـذار
وعلى ما عطيتك فأنت لاتخلـف الظنـه


..........

يابديـر لـم الفـرق خلـه يفلـي
فرق لعل الذيـب يذهـب ذهيبـه
ماانتـه بـراعٍٍ للحـلال المتلـي
راعيـه عنـي للمقابـر سريبـه
هي راعية حالي ومالـي وكلـي
وبيتي وغرسي والقليـب وركيبـه
العام يوم ان الفـرح مقبـل لـي
والبيت منـور والمنـازل عجيبـه
البيت منور والليالي صفـن لـي
واشرب زلال الكيف واترك سريبه
واليوم كني ضيف مالـي محلـي
لا من يناد اسمي ولا مـن يجيبـه
بيت ٍ بعـد سـاره لعلـه يولـي
جعله يولي عقبها ويش ابـي بـه
هي راعية بيتي وهي في محلـي
في غيبتي واللي يجي تشتقي بـه
كنـي بفيـة دوحـة ٍ مستظـلـي
الا ليا قالت قصر شي اجـي بـه
دنيـا براعيهـا تحـل وتـزلـي
تضحك براعيها تروح وتجي بـه
انا اشهد انك عشقـة ٍ مـا تملـي
انتي ومثلك في العـذارى غريبـه
يوم الليال اقفن بها وامهلـن لـي
ماهو بودي مير حـق وغصيبـه
والقلـب بيـح والعبايـر تهـلـي
مثلك على مثلي فراقـه مصيبـه
ولو ابا ادور مثلها ما حصل لـي
مال وجمال وصاحبة عقل اديبـه
ادعي بجـاه الواحـد المستقلـي
يجعل لها الجنـه مـن الله وهيبـه
ولي حياة عقبـك المـوت ولـي
تسعى بتفريـق الحبيـب وحبيبـه
ادعي لها دايم ليا جيـت اصلـي
الله اجعلهـا دعــوة ٍمستجيـبـه

[زبن العضياني]

موسى الروقي

سلمت يمينك مجهوود
تشكر عليه


لي عوووده قريباً مع هذه الروائع

[موسى بن بندر الروقي]

ياهل الونيت اللي مشى صبح عجلان
قدام نور الصبـح يسمـك عمـوده
تكفون بالله ريضوا لي علـى شـان
اكتـب لكـم خـط عطونـي ردوده
وليا قضيتوا يـا طويليـن الايمـان
شبـوا عليـه وزودوا فـي وقـوده
وان كان مريتوا على نزل مشعـان
سلم علـى مشعـان ياللـي تـروده
وسلم على اللي كن خـده ليـا بـان
تقول لون الـورد حمـرة خـدوده
ورع كريم العرض والعمـر ريـان
كن الكواكب غطسـن فـي نهـوده
والعود تقليد علـى عـود ريحـان
ماطق في عرضه ولا هـز عـوده
وقله يقول ان كان ياصاف الالـوان
اموقفيـنـك بالثـمـن ومـحـدوده
والله لترخص فيك غاليـة الاثمـان
ماهـم فيـك المـال نقصـه وزده
انا اشهد انك مركب كـان لحصـان
ماانتيـب للتاجـر محسـب نقـوده
وياليت يوم انّـا عوانـي وجيـران
حبلي وحبلـك بالوصـال معقـوده
على طريقة حـق والحـق سلطـان
الحـق واضـح والدلايـل شهـوده
اباك في قصر علـى جـال بستـان
يذريك عن لفـح السمـوم وبـروده
اخير لك يابنت من رعيـة الضـان
وبعيـر شـاوي تفـتـق بــدوده



...........

لاوالله الا ّ حـل بالقلـب نونـاي
نونـاي بـدو ٍ فيّهـوا بالشديـدي
روّوا وطوّوا واقطعوا تالي الـراي
وأصبح وصبّحهم شريق العقيـدي
وأمست معاورهم ليا تلعي إلعـاي
إلعاي ورق ٍ فوق خضر الجريـدي
عليك ياللـي جامـع ٍ داي ودواي
ماغيـر ياخذنـي علـى مايريـدي
لامقفي ٍ عنّـي ولامقبـل ٍ جـاي
قريّـب ٍ منّـي علـيّـه بعـيـدي
جاني يجر خطاه مشيـه تهـد ّاي
تهدي العـروا الفريـد الوحيـدي
يكسر بعين ٍ في نظرهـا تغـزلاي
خرسا ً ليا شبّت نظرهـا حديـدي
وحار القدم يمّه وهوجرت ممشاي
ممشى القضيب الي برجلاه قيـدي
واخذت لي وقفه قدم شربة الكـاي
اوادعه واقفي على غيـر اريـدي
شدّوا وشالوا فوق فرت ٍ على ياي
شبّوا علاه النـار واهـوه جديـدي
وقفت أخاير واضرب الراي بالراي
وأتلفت روحي لان بيّـدت بيـدي
والله لضاقتبـي محاريـف دنيـاي
أمشي مع السلفان كنّـي وحيـدي
يانـاس خلونـي بعميـاي وقـداي
لايكثر الـوارد و يـزداد زيـدي
قلتوا نسيك وقلت ماهـوب نسـاي
لـو راح لابـد ّه علينـا يعـيـدي
امّا تجيني بـه حلامـي ورويـاي
=ولا مكاتيـب ٍ تجـي فالبريـدي
وان باد حب حبيّبي عقب الاقفـاي
باد الحديـد وكـل شـي ّ ٍ يبيـدي




.............

لاباس يـاروح ٍ بهـا الهـم لابـاسروح ٍ يشاعفها هجـوس وغرابيـل
روح ٍ بها من كل هـم ٍ وهوجـاسللهم والهوجـاس فيهـا مداهـيـل
هم وغرابيل وهواجيـس وعمـاسدايم على روحـي مقافـي مقابيـل
والعين كن ّ الها عن النوم حـر ّاستقول هـاو ٍ فـي بردهـا سماليـل
واليا امتلت عين الخناعيس بنعـاسنومي على كوعي سهـاج وتعاليـل
اللي سوالفهم سواليـف الا تعـاسهر ّامة المجلس هل القـال والقيـل
الله على ماخذ ليا الفجـر مجـلاسمع شولقي ّ ٍ في هروجـه تعاليـل
سوالف ٍ فيهـا عجايـب ونومـاسطبعـا ً لفتخـان اليديـن البهالـيـل
قالوا ونس قلت الله اعلم بالاونـاسقولو ولـو قلتـوا بعقلـه دهاويـل
ياناس خلّوني ولـو حسّنـي حـاسغيري فلا لاحـد ٍ بهمّـي مداخيـل
همّي بقفل ٍ مـال مفتاحـه اجنـاسولاكـل مفتـاح ٍ يحـل الصواميـل
قم صب لي يابدير مايقعـد الـراسمـن ذلقـة الدلّـه ثلاثـة فناجيـل
قد قالها من كل قوله علـى سـاسقدمي وفازبهـا شجـاع الرياجيـل
انا اشهد ان الحي في طبعه اجنـاسمن كل شي تراث جيل ٍ بعـد جيـل
معنـا سوالفهـم جـديـده ودر ّاسوهـذا علـى مايذكـرون الدواليـل
الجود ورث جدود ناس ٍ بعد نـاسوهايـب ٍ تعطـى بحـظ وتنافـيـل
ولاطار من عش ابرق الريش قرناسولايثمر الحنظـل بعنبـر ولاهيـل


............


أنا كل ماهاجت هواجيـس خاطـري
تصافـق محاملهـا بـعـدل ومـيـل
خيّل عليها الهـم مـن كـل ماطـرا
ولاأدري مسيـل الهـم ويـن يسيـل
إن سال فـي صبخـا ً قليـل ٍ نباتهـا
تراهـا بلـع ماهـا بـلا حصـيـل
ريّعت عنها سجّـة الرجـل وانتقـل
والوقت يمضـي والضعـون تحيـل
ومن لارفع رجله ليا منـزل الشـرف
يبقـى بحسـرات الـزمـان ذلـيـل
ابا أرحل ليا واد ٍ فياضـه وروضتـه
تسقـي بقوعـه مـن بحـور النيـل
واد ٍ نـزل فيـه السديـري محـمـد
محمـد الاحمـد زبــون الحـيـل
لاهـو ولـد عمّـي ولاوالله اعرفـه
الا بـقـول الـنـاس بالتفـصـيـل
وأبا امشي مع الخطّه وماقالوا العرب
ومعطـي دروب الـنـاس مايعـيـل
نشدت عنـه أهـل العقـول وقالـوا
وعلـوم عـقّـال الـرجـال دلـيـل
ماينتقلـد بـه علـى غـيـر مثـلـه
ومثلـه مـن أبطـال الرجـال قليـل
مثلـه بليهـي ّ ٍ ليـا قـام وانتهـض
بحملـه وللحمـل الثقـيـل يشـيـل
لـه شايـة ٍ ماتتّقـي فـيـه بيـنـه
طويـل المناكـب والـذراع طويـل
ولـه شايـة ٍ ماتتقـي فيـه غيرهـا
نـد النـدا مـن وجنتـيـه يسـيـل
ولـه شايـة ٍ ماتتقـي فيـه ثالـثـه
بيـتـه لفتـخـان اليـديـن مقـيـل
بيت ٍ بني ساسه على المجـد والثنـا
ساسـه عـزاز ومنـظـره جمـيـل
بيت ٍ لقطع الجوع في حـز ّة الهلـع
صميـل قيـض ٍ مـاوراه صمـيـل
بيت ٍ لحاف البرد فـي حـز ّة الشتـا
وفي القيض عن لهب السمـوم ظليـل
ولـه شايـة ٍ ماتتقـي فيـه رابعـه
خفيـف نفـس ليـا رسـى ثقـيـل
ليا رسى يرسي كما يرسـي الجبـل
بتيـل ٍ علـى كـل الجبـال بتـيـل
ماهوب غصن ٍ كل ماهـز ّه الهـوى
مـن حيـث مامـال الهـوا يمـيـل
عزوم ٍ على الكايد جزوم ٍ على الصخا
صبور ٍ علـى الكايـن محيـل مقيـل
فضله على من يطلب الفضل يشملـه
وشـر ّه لمـن شـره عليـه وبـيـل
من عاملـه بالخيـر بالخيـر عاملـه
ومـن عاملـه بالشـر لـه عمـيـل
حصان لردات المعـارك ليـا جـرت
يجيلـه بميـدان الـطـراد صهـيـل
ولا شح في دنيا وهـي تيمهـا الفنـا
ليـا شـح فـي دنيـاه كـل بخـيـل
مثلـث ٍ دنيـاه مـن حـق واجـبـه
يـبـاه للـيـوم الفضـيـل سبـيـل
ثلـث ٍ لصينيـة ضيـوفـه ودلّـتـه
وثلـث ٍ لمـن يبسـط يـداه يسـيـل
وثلـث ٍ يعبّـر بـه سبيلـه وحاجتـه
وتوكّـل علـى الله حـي هالوكـيـل
ياخذ بيـوم المجـد والعـز ساعتـه
والمجـد يبقـى والعـمـار تـزيـل
من لابة ٍ سم الدهـر فـي سهومهـا
لاجـا نـهـار ٍ يـوصـل الحفـيـل
سدارا ً طويل ٍ سبرها مـن جدودهـا
ماهـم برخـو يـن العظـام هزيـل
حريبهـم مايدخـل الـنـوم عيـنـه
يسهـر ومجـروح الفـواد علـيـل
واختامها مني صـلاة ٍ علـى النبـي
عـداد مـايـر ّخ مــن التسجـيـل



...............



يابديـر انـا لـي حسّـة ٍ كاميهـا
لاشـك ماتـثّـر عـلـي بعـلـه
اصبـر عليهـا واحتمـي قافيـهـا
عـن جابـة ٍ فيهـا علـي شكلّـه
وان كان جتني زلّـة ٍ مـن ربعـي
زلا ّتهـم ماهيـب عنـدي زلّــه
اخفض لهـم منـي جنـاج الذلـي
لكرامهـم ماهـوب خـوف وذلّـه
وان كان جتني من شجـاع ٍ طيّـب
اشتال زلا ّت الشجاع رضى ً لـه
وانا اعرف الطيب واعرف طبوعه
الطيب طبعه والـردا ضـد ّ ٍ لـه
وان كـان ولّينـه رفيـق ٍ صافـي
انا ولـد عمّـه وانـا عـز ّ ٍ لـه
وان كان عنده حيلـة ٍ فـي حالـي
اخذ حسابـه وانتبـه وافطـن لـه
واقـول يارجـال حـايـد عـنّـي
مالـك ومالـي ياخبيـث المـلـه
واروح في حالي وهو فـي حالـه
وهـذي تراهـا للعفـون جبـلّـه
يعطيك مـن راس اللسـان حـلاوه
حلويـن الالسـن والقلـوب مغلّـه
ولانـي بتبـاع لشـور المقـفـي
ان كان مقفي ليه يـوم اقبـل لـه
يقفي وانا واقفي والديـار وسيعـه
ومن فارق الوجه الغضيب احسن له
خلّـه وانـا عبدالمعـيـن يـولـي
لا ناقـص ٍ منّـي ولا زود ٍ لــه
وان كان جتني من ضعيف ٍخايـب
سترت خلا تـه وانـا ستـر ٍ لـه
سترت خـلا تـه لحشمـة غيـره
ما أبى علـى ربعـي يبايـن خلّـه
ربعي كما الحيد الطويـل النايـف
ارقى براسه وانسـدح فـي ظلـه
قلته وانـا مـن لابـة ٍ مشهـوره
عـز القبيلـه والعـدو سـم ّ ٍ لـه
اليـا بنـوا راي ٍ علـى مقلطهـم
يبنـون بـنـي ٍ مـاحَـد ٍ يفـلّـه
والربعـه اللـي رايهـا يفرقـهـا
لابـد أعـز ّتهـا تـروح اذلّــه
وان كان نقاض الحبـال صميـدع
ليـا نقـض هـذا فــذا يفتـلّـه
ولانيب راعي هرجة ٍ في مجلـس
ولاأشيل خلق الله علـى خلـق الله
الحق يالعـراف عـر ّاف الخـلا
ماهوب فـي كثـر الكـلام وقلّـه
مـاهـوب للهدات فالمـجـالـس
للـي يعالـج مشكـلـه ويحـلّـه
وانا على خصمـي وسيـع ٍ بالـي
آخـذ خصيمـي بالسعـه وامهلّـه
احلم على خصمي بحسن اخلاقـي
وإن كان لي حـق مصيـب أد ّلّـه
امّا طلبت مـن الخصيـم شهـوده
ولا ّ قبلت الـد ّيـن واخلـص بالله
ولا قلطـت بحجتـي وشـهـودي
واخذت حقي مـن خصيمـي كلّـه
وأقـول حقـي وآخـذه باثبـاتـي
والحـق سيـف ٍ للرجـال تسلّـه
وان كان مالي حق أخاصم نفسـي
واقـول مالـي حـق والحمـد الله
وإن كان جاني من يدو ّ ر شـوري
اعطيه من شور الهدى نصـح ٍ لـه
واقـول لاتاكـل حـلال المسـلـم
لكـن خـل الهـوش دون الحّلـه
وان كان جاني من يـدو ّر جاهـي
ماأبخل بجاهـي عنـه وامـري لله
وان كان جاني من يبا مـن مالـي
اعطي واعيّي عنـه مـا أستكملّـه
لابد مـن بيـت ٍ يبـا يبنـى لـي
يبنيـه غيـري واسكنـه واحـلّـه
وان كان لي في هالكلام معـارض
أسيلكـم يـاأهـل المـعـارف بالله
انا معـي حـق ّ ٍ علـى سوالـي
ولا علـي مـن الرجـال ختـلّـه
وختامهـا منّـي صـلاة محـمـد
نبيّنـا الـهـادي ابــن عـبـدالله

[موسى بن بندر الروقي]

أبدي بذكر الله وأصلي علـى النبـي
عـلـى محـمـد سـيـد الانــام
يقول ابـن ثعلـي وهـذي هديتـه
علـى جميـع المستـمـع ســلام
أكـرر تحيتهـا وأقـد ّم سلامـهـا
وأقول مـن حسـن الكـلام كـلام
قلتـه وانـا والله مـاأذم ولاأمـدح
مـانـي بـمـد ّاح ٍ ولاذمّـــام
ماقـول فالمقفّـي ولاكـل عرضـه
علـي مـن رب العـبـاد آثــام
الا ّ هـل العوجـا تكلمـت فيـهـم
اللـي لهـم روس العـلا مــرام
لو كان مكفيهم من المدح مامضـى
أبطـال وكـرام ٍ عـيـال كــرام
الاولــه لافّــرق الله شملـهـم
يجعـل لهـم يـوم المقـام مقـام
والله مانجـزي حسانـي فعولـهـم
خلّـوا لنـا الدنيـا زهـر وأنعـام
الا ّ بقولـة يالله انّــك تعـزهـم
عـد اللـيـال وعــد ّة الايــام
عشنـا بفضـل الله ثـم بفضلهـم
وعاشتـبـه الارمــال والايـتـام
تطّور بهم دار ٍ سقى الغيث جالهـا
صيف وربيـع وكـل يـوم غمـام
تطورت بالعـز والمجـد واكتسـت
في كل عـام ٍ أخيـر منـه العـام
كساها شرفهم واستقامت بمجدهـم
واليـوم هـاهـي ذروة السـنـام
وافهّمك ياللي جاهل ٍ فـي نظامهـم
ولا إن عقـال الـرجـال إفـهـام
الله خلقنـا كلنـا واسمنـا العـرب
الاسـم واحـد والعقـول أقـسـام
ونظامهـم لاغـيـر الله حكمـهـم
السيـف حكمـه والكتـاب نـظـام
ولو يحكم الشـرع علـى عيالهـم
منهـم وفيهـم مضّـوا الاحـكـام
تحذر واخذ حذرك من الميل والجهل
من خـوف لاتزهـق بـك الاقـدام
أهـم عليـك مشرعـات ٍ سيوفهـم
سيف ٍ وراك وسيـف مـن قـد ّام
سيف لـراع الحـق يعطيـه حقـه
وسيـف ٍ لـراع الجـرم والاجـرام
والله لا لاالله ثـم مسلـول سيفهـم
اللـي لعوجـان الخـطـا لـطّـام
لاقول يمد الذيـب والنمـر والفهـد
تعـشـوا العصـفـور والحـمـام
والحر يفرس فالحبـاري وفالرخـم
ويحط مـن باقـي الطيـور إ يـدام
لاشك رادعهـم مـن الخـوف رادع
حطّـوا لمطلـوق اللجـام لـجـام
هل الرايه الخضرا ليا رزو ّوا العلـم
لارز ّت الاعـــلام لــلاعــلام
عـلـى علمـهـم لاالــه إلا ّ الله
واسمه هو الغالـب علـى الآ سـام
هل الدين والتوحيد والعز والشـرف
اقامـوا عمـود الديـن لـلاسـلام
وأهل السيوف ليا جرى مثل ماجرى
ليـا غطـا ضـو النهـار ظــلام
تقلّـدوا بيـض السيـوف ومالـوا
جـوف المعـارك يلبسـون حـرام
وارواحهم ترخص ولو كان غاليـه
إليا اغتشـا روس الجبـال عسـام
من يومهم من يوم كانوا ومامضـا
ورث لـجّـدان ٍ وأبــا وأعـمـام
وسيوفهم تروى بضـرب أيمانهـم
يـرو َ ن وبقيّـا السيـوف حيـام
أنا أشهد ان السيف يصنع لمثلهـم
على غيرهم نقـل السيـوف حـرام
حيث إن مكتـوب ٍ لحـد سيوفهـم
قطـف النفـوس وجّـذة الانسـام
هل العـزوه اللـي كلنـا نعتزيبهـا
لاحـل مابيـن الشعـوب زحــام
عزوتهم التوحيد والسيـف والظفـر
اللـي يخـل المشركـيـن هــدام
مخالفـة ديـن الرسـول محـمـد
عـبّـادة الأوثــان والاصـنــام
ضد الضديد إليـا رقـص شيطانـه
إليـا زمـر فيـل الضـديـد وزام
ضديدهـم مايدخـل النـوم عينـه
تسهـر عيونـه والعـبـاد نـيـام
علـى راي قايدنـا ملكنـا زعيمنـا
إمامنـا فـي كـل حــال إمــام
فيصل عمود الديـن ضـد عـدو ّه
سـم الضديـد معالـج الأسـمـام
ليث العروبه عز ّهـا نصـر دينهـا
ليـا نواهـا الله بنـصـر وقــام
ماهرولـت بنـت الحصـان بمثلـه
فالشرق والغـرب وجنـوب وشـام
ولاجابن الخفرات مثلـه ولاجلـس
للحكـم ممـا جـا مـن الحـكـام
الله علـى ماكـل عـذرا ً تلحلحـت
عـن مثـل فيصـل جايـة ٍ بغـلام
منّـا وفينـا ماتـعّـدى حـدودنـا
من أقصى بحر جـده ليـا الدمـام
نبيه دون الدين والشعـب والوطـن
يـروس عنّـا كـل علـم ٍ هــام
عمّت مشاريعه على البـر والبحـر
دامــت مشـاريـع الامــام ودام
يشهد له الله ثم تشهد لـه العـرب
والسيـف والتـاريـخ والأ قــلام
ولـد عديـم ٍ جاذبـه مـن راسـه
سطـام لطّـام الـعـدى سـطّـام
كم من ضديد ٍ سو ّلت لـه روابعـه
خلا ّه فـي مـوج البحـر عـو ّام
كم من طبّة ٍ يشبع بها ضبعة الخـلا
يشبـع بهـا طيـر الهـوا حـو ّام
وكم معسر ٍ فـر ّج لهمّـه وكربتـه
مرهون فـي ديـن ٍ عليـه مظـام
كم ليلة ٍ غنّى على الهجن واوجهـن
و ظلّن على دربـه علـى الدرهـام
كل أبلج ٍ يوهـف لوجنـاه بالعصـا
يحثـهـا وهـيـه تـبـا قــد ّام
على درب أخو نوره ليا هج واصتوك
مـثـل النـعـام أو كنـهـن أروام
ربع ٍ مشاكيل ٍ على أوساق حـز ّب
أهمـه مشاكيـل ٍ وهــن هـمـام
عاشوا بيوم العز والمجـد وانتهـوا
حيّـا ً غـدا كلّـه رميـم عـظـام
والعمر إله يـوم ٍ محـدد وينتهـي
زرع مـوقّـت واقتـفـاه صــرام
وحياتهـم يـوم اتذكّـر حياتـهـم
أحـلام ليـل وضاعـت الاحــلام
تغمّدهم البـاري بعفـوه ورحمتـه
فضل ٍ مـن البـاري عليهـم عـام
وإليا غـدوا عنّـا لقينـا عيالهـم
لـو مـات حكّـام ٍ يجـي حـكّـام
وختامها منّي صلاة ٍ علـى النبـي
واسلّـم عليهـم والسـلام خـتـام



.................


في السبعينات كان هناك نزاع على الحدود بين العقاليه من مطير والثعاليه من عتيبه0

وتطور الى تبادل قتل الانفس اما اليوم بفضل الله وولاة امرنا

وعقلاء القبيلتين

فقداصبحنا اخوان متحابين ولله الحمد

0بعد قتل الثعلي وقبل قتل المطيري ارسل سهل القوس

هذه الابيات : 0-




ياراكب اللي زهابه خـرج ودلالـي
راعيه يقـدى نجـوم الليـل مسـراه
سلّم على اهل الفريع وخص من غالي
سلّم على اهل الفريع ومـن حـوالاه
يامشتريـن الامانـي بثمن(ن)غالـي
ايامكـم نقـص مـا فيهـا مسـاواه
قبيلكم يشتكي فـي فـرق وجمالـي
وانتـم فقايدكـم ارقــاب مسـمـاه
يوم ٍ يجي يفرق الغالي عـن الغالـي
ومن طاع شور الهزالا اللوم ياطـاه







وعند ما وصلت عبد المعين اجل الرد عليها حتى استدوا الثعاليه

في قتيلهم ورد بهذه القصيده





قـم يانديبـي تولـم فـوق مرمالـي
حـرة شمـال لهـا عــام معـفـاه
حمرا ليا طالعت زود الحقـب ذالـي
تشـدي فريداعطالـه راس مـقـراه
واسلم وسلم على اللي يحتـم التالـي
على سهل لااختفـى ذكـره وطريـاه
تلقاه في مجلـس ينشـط لـه البالـي
كيف وبيـت علـى الطـالات مبنـاه
قله نديبك وصـل يـا طيـب الفالـي
سلـم وعلـم ووصـل العلـم منهـاه
تسبنـي ياسهـل مـا ادري تويالـي
مدري من الغيض جاء قلبك من اقصاه
واناوحيـد بـلا عـوان والحـالـي
وازريت اناح الخصل من كل مجهـاه
والله لكافحتهـا بالـمـال والحـالـي
وكـل عطينـاه منـهـم داه بــرداه
احد قريب ويضحـك لـي وينيالـي
وليـا نبـح كلـب تنبحنـي ضرايـاه
واحد يبى منزلي في الماقـع العالـي
واحد يبانـي تحـت رجلـه وماطـاه
واعرف رفيق الغضب لو يتحلوالـي
واعرف رفيق الرضاوامشي بممشـاه
لاشك ما اخبرغدالي شي مـن مالـي
وليا غدى شـي رحنـا لـه وجبنـاه
مـال بمـال ٍ ورجــال برجـالـي
والحـق ملحـوق لوانـك تبـاطـاه
صنف بصنف وكـل اريـال بريالـي
والحر قي شقـت الخنزيـر اخنذنـاه
حقي مـن الحـق ماخليـت يبقالـي
مجزاي واللي بقـي كـل ومجـزاه

[موسى بن بندر الروقي]

هذه القصيده أرسلها الشاعر الكبير عبدالمعين إلى أبناء عمومته

الغنانيـم وفيها دعوه لحل ماحدث من مشاكل بين بعض الاطراف من

القبيلتين ووصف أن هذه المشكله قد تسبب التفرقه بين أبناء القبيله




يقول إبـن ثعلـي تهيّـض وغنّـا
أمثـال ماصرّفـت فيهـا دواويـن
يجوش به جاش الضمايـر وكنّـا
مانـي بشاريهـا بسـوم وتثاميـن
ياراكـب أربـع ربـع فأسنانهنّـا
فج الزغـون منحفّـات الذراعيـن
مـرمّـلات حـيـال ماضربـنّـا
للنـي فـوق ظهورهنّـه زمانيـن
على صـلاة الصبـح مسراحهنّـا
من قصر ابن ثعلي صلاة المصلّين
ويقيّـلـن الحـفـر ويـروحـنّـا
علـى الدفينـه مملـك ٍ للرباعيـن
تلقـى علـى ماهـا بيـوت ٍ تبنّـا
ربع ٍ علـى هـاك الدقايـا مبنّيـن
تلقـى ذوي غنّـام زبـن المجنّـا
وإذهن تعدّيها الموالـي للاقصيـن
ليـن أنهـن يقضـن وليـا قضنّـا
ثوّر ودوّر وين نـزل الوباصيـن
ربـع ٍ ربـاع بيوتـهـم يدهلـنّـا
ذولا مقابـيـل وذولا مقـفّـيـن
علّـم قبيلتـنـا يكـفّـون عـنّـا
اسباب تحدثهـا علينـا السفاهيـن
إن مارمونا في فـم النمـر أكلنـا
انتـم وحـنّـا كلـنـا يالذويـيـن
والاّ قتلـنـا فـيـه والا قتلـنـا
لو كان مانبغـاه ميـر مغصوبيـن
الاولـه هـذي مذاخيـر أهلـنـا
وحنّا على مذخـور أهلنـا معييـن
إن كـان بـاع أوّل مقـدّم ثمـنّـا
من عام تاريـخ الثـلاث وثلايـن
وإن كان كسب اللي خذ الكسب حنّا
في سابق الهجره وفي تالي الحيـن
والثانيـه عنـد الحكومـه إسجنّـا
في اسبابها مع درب اخيذ المراتين
والثالثـه بعـد عليـهـا نزلـنـا
فيهـا وحطينـا قصـور وبساتيـن
والغـرس ينعـم والعمايـر تبنّـا
وللـي يجينـا فوقهـا مستعـديـن
والرابعـه ماينـزع الملـك منّـا
تزييف كتب ٍ زيّفـوه الحماضيـن
حرّم عليـه وقاعـة الديـره إلنـا
لو صرّف الدنيا اولوف وملاييـن
ندخـل علـى الله منـه لايمتحنّـا
زال المنـع فينـا وحنّـا مصديـن
كثـرت دعاويهـم علينـا وشلنـا
لاشـك ماحنّـا عليهـم بعجلـيـن
نسيوا نهار مطيـر مالـوا وملنـا
مالـوا وملنـا واستقلّـوا مخفّيـن
وكثرت شكاويهـا وقالـوا وقلنـا
وقامت تدرّق في ذرانا المساكيـن
ويوم المداحـم فيـه عـزّالله انّـا
علـى مهابـات القبيلـه مذرّيـن
وحنّا ذرى الهيبات من يـوم كنّـا
ضد الحريب وستر عيب المواليـن
واليوم يوم إنّا مـن الخـوف أمنّـا
جونا على مافـي يدانـا مغيريـن
كـلّ ٍ يصيـح ويشتمـت ويتجنّـا
حيل الله أقوى ويش حنّـا مسوّيـن
عانا على القلـب الشفيـق المعنّـا
باقين فيهـا للدعـاوي ومضحيـن
لصحـاب والاجنـاب منّـا ومنّـا
فيها ومن كل الجهـات محروبيـن
مـن مـات منّـا عندهـا ماغبنّـا
لو مات واحد غيره الفيـن حيّيـن
لكـن حيـلات ٍ علشـان أضـنّـا
مطلوبنا للـروس دون الكراعيـن
والخامسه من شحّنـا فـي وطنّـا
والله مغير ندافـع الشيـن بالزيـن
والسادسه من شحنّـا فـي جملنـا
ماهوب شحّ ٍ فـي بقيّـا بعاريـن
والسابعـه تحـذّوا العلـم عـنّـا
إن كان ماجـا للشكـاوي براهيـن
مايحتـمـي هيباتـنـا الاّ طعـنّـا
ومصابر ٍ فيها على العسر والليـن
ولا لا بـذور أيديـنّـا ماسكـنّـا
لافأول الهجره ولاهـوب هالحيـن



...........................
هذه قصيده والرد عليها من فهد بن عبدالمعين وأبيه

ومرسلها لابوه عبدالمعين وفيه يذكر
انه يريد الزواج ويريد من والده أن يخطب له بنت عمه او بنت خاله
وعندما خطب بنت عمه له قال عمّه خله يجي واذا جانا يكون خير
وتركه وراح لخال فهد وقال له نفس الكلام ....
وكان فهد عسكري في بنبع وعندما جاء لعمّه قال البنت الكبيره جوّزتها
وكذلك خاله جوّز بنته الكبيره والكل منهم يقول انتظر البنت الصغيره
من بناته حتى تكبر وأخذها

قال فهد بن عبدالمعين



يايبه جاني كتـاب ٍ سـر بالـي
من طرف حيّ ٍ لقلبي مشغلينـه
جيتكم لاجاتكـم غبـر الليالـي
والطلب بأطرافكـم مستاجدينـه
والاجازه غلّقت هـلّ الهلالـي
هل عيد الفطر كمّلـت شهرينـه
ماحصل لي بنت عم وبنت خالي
صار مقعادي ومعوادي غبينـه
رجّعوني في رجا الجيل التوالي
قالوا إصبر في رجا مهره وعينه
لاعقبني شر في باقـي حوالـي
وامنعي مامنك يالعين السجينـه
لو بغيتي مارد الشرب الزلالـي
لو صفا تاليـه عنـك مغثربينـه





رد عليه والده عبدالمعين بن عقل ويقول : -





راكب اللي فـي مسيـره مايبالـي
مع صلاة الفجر صبـح مجهزينـه
ماعليه الاّ السـداد مـن الرجالـي
مـذرب ٍ خالـه وابـوه مجوّدينـه
يـوم دنّـي للسفـر والارتحالـي
دق سلفه واشتغـل سـار المكينـه
سارح ٍ من باب جـده والشمالـي
ريّحـه بالقيـر وادعـس بانزينـه
وإن عطا الحزم الجلـد ياهملالـي
كن زلـزال الرّعـد رنّـة حنينـه
كن ضربه ضرب ندرا ً في الخيالي
حوّلـت باردافهـا مقـدم غشينـه
وإن وصلتوا مفرق الدرب الموالي
مفـرق ٍ مابيـن ينبـع والمديـنـه
خش معه يسار من دون الجبالـي
السّهل في ايسرك والحـرّه يمينـه
مرّ ابـن شبـلان قـدّام الزوالـي
مرّ بيـت مدلّـه العيـن الحزينـه
بيت من عنده يريضـون العجالـي
جاعل ٍ دنياه عن عرضـه ودينـه
ثم روّح منـه يـوم الفـي مالـي
والعصير بسـوق ينبـع موقفينـه
عند اخو وضحا فهد شيخ العيالـي
يارضـي الوالـديـن لوالديـنـه
يوم مالي مال وانتـه راس مالـي
جاعل ٍ لـي كـل ماتملـك يدينـه
رحت أنا ويّاك في سين وسوالـي
كـل يـوم ٍ والكتـاب مزرفيـنـه
الركايب غاليـه والسـوق غالـي
قنّـن التسعيـر وانتـم خابريـنـه
لاتجوّد في الرموث مـن الحبالـي
مايقطّعـك البحـر غيـر السفينـه

[موسى بن بندر الروقي]

يابديـر عـان بيوتـهـم طوّيـنـي
ودريول الموتـر وصلهـم يهدّيـه
ومرحانهم فيهـا القمـاري تونّـي
تلعب عواصيـف الهبايـب بذاريـه
عاينتهـم ليـن الضعـون ابعدنّـي
تنطّحـوا مطلـع سهيـل ومباديـه
على الفروت الحمر يوم اسرحنّـي
هافات نافات ٍ علـى البعـد تدنيـه
وظلّيت أمد الشوف مـع دربهنّـي
مقـف ٍ غبـاره والنسيـم متقفيـه
فرت ٍ حمر ودريول الفـرت فنّـي
يامال هجـران النيـا ويـن يمديـه
ياصاحبـي عنّـي خطـاه انتحنّـي
ماني براج أنّـه يجينـي ولا أجيـه
أكابـد العبـرات ليـن إغصبـنّـي
رغم على بيّـن ضميـري وخافيـه
وروابع بيـن الضلـوع أزعجنّـي
هذي تجيني بـه والاخـرى تودّيـه
هـات الـدلال وهاتلـي نجرهنّـي
وإشعم شعام الضو وإرم الحطب فيه
والله لالا كيـف ٍ ونجـر ٍ يـدنّـي
كيف ٍ على مـالاق بالـي مسوّيـه
يبـرد لواهيـب الهواجيـس عنّـي
لاضاق صدري قلت قم له وعطنيـه
أخذ عليه زعوج واضحك وأغنّـي
والعـب المـاوه وادنّـه وأسرّيـه
وأساهـره ليـن الاوايـل بـدنّـي
اسهر وأساهر كل نجـمٍ وأراعيـه
لين النجـوم اللـي بـدا ً أكهبنّـي
والليـل نحّـا مابقـي غيـر تاليـه
وأسرح وأروح واقرع إقراع شنّي
شنّ ٍ يهاب ولاهب الوسـم شاويـه
وألاّ كمـا تقـرع خلـوجٍ تحنّـي
غاد ٍ ولدها وأيّست مـن حراويـه
إقفـاي وإقبـال ٍ خطايـة لفـنّـي
وازاول المربع سبب حـب راعيـه
وابيع وأشري فـي ليـال ٍ مظنّـي
ليت الزمان اللي بقا مثـل ماضيـه
ميـر الليـال الباقيـات غـدرنّـي
وكم واحـد ٍ مثلـي تغـرّه لياليـه
لـو اللـيـال بغيبـهـن علمـنّـي
والله لاأكـب الـود مـرّه وحاليـه
قالوا علامك قلـت رمـح المطنّـي
غـرو ٍ زعجنيبـه وراح وعطانيـه
توافقـن شفـوف ظنّـه وظـنّـي
عينـه تراعينـي وعينـي تراعيـه
نـاس ٍ يحسبـون الهـوا بالتمنـي
لو مايعرفـون الهـوا الاّ بطاريـه
اوّل عرابيل الهـوا ضحـك سنّـي
وبين القلوب مناقش الهـرج ينشيـه
ليـن إن عشّـاق الهـوا يرجهنّـي
حلو القـدوم وسـم ساعـه بتاليـه
يبقى بصنـدوق الحشـا مستكنّـي
هذي سلـوم الـود ياجاهـل ٍ فيـه
يابـو محمـد لاتـبـرّون مـنّـي
تكفـون ودّونـيـه ولا عطونـيـه
أبا الحقه لـو هـو بعيـد المطنّـي
والاّ يجي وعـلاج شـرّه حسانيـه
وإليا نشدك مغيـزل العيـن عنّـي
قلّـه يقـول وعلّمـه ليـن يوحيـه
على الخطـر قلّـه يجـي يمتكنـي
أسبـاب مرواحـه مجيّـه يداويـه
وإن كان عيّا قـال ماهـوب منّـي
أقسم بحـق اللـي يميتـه ويحييـه
أنّـه بضربـة رمحـه المستسنـي
زرقة سهم رمحه عسا الله يجازيـه
وإن سالكم عن رمحه اللي طعنّـي
رمح النظر ماهوب رمـح ٍ بأياديـه
رمح الدجيما اللـي إقتلبـه قتلنـي
ماأحد ٍ دفع سوقه ولاّ أحد ٍ طرد فيه




...................

عديت مجـدار علـى كـل مجـدار
عيطاً بديت بـراس عالـي وعرهـا
ماواق في عالي حجـاه الاّ الاطيـار
وإلا السبـاع القـى مداهيـل اثرهـا
إكرام عيـن تشتهـي مـد الأنظـار
فسحة نظـر للعيـن مـدّت نظرهـا
وإن كان في مد النظر خير وأشـرار
ننظر لحـال وحـال عنـه نهجرهـا
ننظر لدرب الخير نقصر عن الضـار
ولاخير في عيـن نظرهـا ضررهـا
واقول من زيـن التماثيـل واختـار
واجنى من اطراف المثايـل ثمرهـا
وماقل دل وكـل عـود لـه اثمـار
تثمر وحلو اثمارهـا مـن شجرهـا
والفرق في طلع النوامي والاشجـار
من زيـن تربتهـا وحسنـى مدرهـا
حولت منها امشي مع الدرب مـرار
مريـت منـزال البيـوت وذكـرهـا
قلبٍ عليهـم كـن فـي داخلـه نـار
وعيـن عليهـم مستمـرٍ سهـرهـا
سج القدم في منزل البيـت واحتـار
من صبح لين الشمس طبـت بحرهـا
منزل بيـوت عطرهـا بـن وبهـار
واشناق حيل مـن خبرهـم خبرهـا
سـلام يامنـزل طويليـن الاشـبـار
لـو مامكـان بيوتهـا إلا حجـرهـا
منازل اللي تكرم الضيـف والجـار
مامـن يحـل بجالهـا إلا شكـرهـا
خذولهم قيضـه ومشتـى ومصفـار
ومرباع لين العشبـة اقفـى زهرهـا
وشافو لهم برقٍ علـى نجـد سمّـار
تحـت مطاليـع النجـوم وقمـرهـا
شرقٍ مـن القبلـة مطاليـع الانـوار
غرب من العارض ضواحي هجرهـا
يبون مربـاع مـن الوشـم ويسـار
واقفى ربيع العيـن واقبـل دهرهـا
معهم عشيرٍ هوجر القلـب هوجـار
هوجار هوجـارٍ بروحـي هجرهـا
روحه على روحي تسابيب واخطـار
اسبابـه المخطـر عقـد مؤتمـرهـا
يشير عليه من الخطر حسب الاضرار
شقر القرون ومابـدى مـن نحرهـا
تـاج عليهـن العماهيـج وشـعـار
ياشيخـة الخفـرات واهنـه جبرهـا
اقفى وقفوا به هـل المجـد والكـار
شرب الدغش مـر الكبـود وكدرهـا
وانـا بـدار وليّـن العـود مـن دار
لاكنهـا حجّّـه وكتـبـت عمـرٌهـا
قلت النسب قالوا بدا يـدك والحـار
أولى بها من ربعهـا اللـي حجرهـا
يالاد روق اللي لكم صيـت واذكـار
لاطـار عـج غبارهـا مـن وبرهـا
وإن جاء لميدان الرمك عـج وقتـار
كـم حولـوا بمـدرعٍ مـن ظهرهـا
تسببوا لي فيـه مـن كـل ماصـار
اذن عـيـنٍ يفـتـح الله بصـرهـا
أمـا بدفـع المـال وإلا بالابـصـار
وإلا بصلب أريا الرجـال وظفرهـا
مايقطع الفرجات من طـاع الاشـوار
ولاطوّع الاصعـاب مـن لاوطرهـا
وإلا هي الدنيا على الضـار والبـار
مـن لا دمـر بنيانـهـا ماعمـرهـا
................................

[موسى بن بندر الروقي]

اتمنى التثبيت

وتحياتي

[موسى بن بندر الروقي]

زبن العضياني

حياك الله

تحياتي

[زبن القاضي]

موسى


مجهود

تشكر عليه جزيل الشكر

وعساني ماعدمك


والشاعر عبد المعين له ديوان في دواوين المنتدى اتمنى من المشرف على الدوايين نقل قصايد الشاعر الى ديوانه

شاكر ومقدر تعاون الجميع


وما التثبيت ابشر ياموسى

[موسى بن بندر الروقي]

ابو نهار الله لا يقطعنا منك


مشكووووووور على جهودك

وتقبل تحياتي

[زبن العضياني]

الأخ/ موسى الروقي

الشاعر عبدالمعين ابن ثعلي

موجوده كل قصايده التي ذكرتها في ديوانه
اللي في ديوان شعراء الميدان

تقبل تحياتي

[موسى بن بندر الروقي]

مشكوووووووووووور على التنويه طال عمرك



تحياتي

[بلسم الجروح]

موسى الروقي


http://www.hawamir.com/forum/image-markaz/9896467bbc741c500.gif

قصاائد أكثر من راائعه

صح لساان عبدالمعين

وسبق قراتها جميعاااا


ويعطيك الف عافيه

[موسى بن بندر الروقي]

الله يعافيك

بلسم


تحياتي

[حســين الحارثي]

نعم

الشاعر عبدالمعن بن ثعلي يوجد له ديوان

بديوان منتديات شعراء الميدان لذا لاداعي للتثبيت.