من قصائد الشاعر الكبير جزاء بن صالح الحربي

[منصور رشيد]

الشاعر الكبير جزاء بن صالح الحربي من دولة الكويت الشقيقه غني عن التعريف وحبيت انقل لكم بعض من قصائده اللي اعجبتني

الاولى بالصوت
http://www.angelfire.com/ex/alrehily/jeza.rm

الثانيه


رفيقـك اللـي مـا يقـدر مواقفـك = تـرى ربيـع القلـب بعــــــده وفرقـاه

ليا صار لا رجلـن مقامـه يشرفـك = ولا طيبـن تقـدر تحمـل خطـايـاه

احرص على فرقاه لو مـن طوايفـك=ليا صار ماتقوى على شيـل عوجـاه

ليا صار دايم بـا المواقـف يخالفـك=ويفرض عليك الراي من غير ترظاه


منت أولد لـه يستهينـك ويعسفـك=ولا والدن ودك على مكسـب ارظـاه


ولولا لزومـه بـول العـام عايفـك=ولو شاف طيبك عقب يومين ينسـاه


وان قلت له مخطي فظحك ابمعارفـك=وليا تجاوزت الخطـى عنـه مرظـاه


وليا سكت و شمت يجـرح عواطفـك=وضحوك في وجهك وسودن خفايـاه


وان قمت مايسوى هبايب عواصفـك=وان شلت له عرقا على الكبـد عرقـاه


وان جيت له محتاج ما تقـل يعرفـك=ويعطيك مع بيـض المعاذيـر علبـاه


ليا صار عند اللازمه مـا يساعفـك=و قت الرخا منتـه ابعـازت حمايـاه


لا تشتكـي عنـده يكبـر سوالـفـك=فرقاه تغنـي عـن مسـرات جـدواه


وحاذور عنـه لا يسـود صحايفـك=ولا تقربـه مـادام تعـرف نـوايـاه


و بعدك عنه في ديرتن مـا يشاوفـك=اخير مـن قربـه وشوفـه ولا مـاه

وموتـك بعـزك جنتـن مـا تكلفـك=ولا حاجتن عنـد المنـون و ترجـاه


و موت الكرامه عن جنابه اتشرفـك=ولا منتـه عسـى نواعيـه تنـعـاه


ومن يجهلك في منطق العرف يا صفك=وعرف الفتى تنبيـك عنـه مزايـاه


وترى الرفيق اللي بهمك ينـا صفـك=ويفزع ليا شاف الخلـل فيـك يرفـاه


ودايم صدوق وبا الحمـوه يلاطفـك=ويقوم في و اجبك مـن قبـل تنخـاه

رجلن على كـل المواجيـب عارفـك=ودايم طواريق الشرف ساس ممشـاه


وان حلت الرفقه يشيد ابـو صايفـك=ماكنـك الا واحـدن مــن دنـايـاه


ليا جا مجالك جـاب عنـك طرايفـك=و ليا ذكـرك بجملـة الخيـر مبـداه

الثالثه


من حس في نقص نفسه عاتب أحباب0=0ويعاتب الناس والنقصان في ذاته

ولو الخطا واضحن ماحسب أحسابه0=0مايشوف كبر الخطا من كبر شرهاته

واللي يتميدح بروحه لاتعزوابه0=0لوقال أنا الزير لاتغرك شجاعاته

أترك شجاع العوافي لاتهقوابه0=0لياصار ماصار يزبن عند عماته

نزه جنابك عنه وبعد عن أترابه0=0وياعل خيره يلادي عنك سياته

ترا حلات الفتى مايشمت أصحابه0=0ويبعد عن اللي يضره في شكلاته

واللي حكابك ترا لابد يحكابه0=0لاكن تبعد عنه من قبل عرفاته

وشرهات رجلن تجيك بغصب وطلابه0=0شرهه بلا عقل ماحاجه لكسباته

واللي بغيبات ربعه يفتل أشنابه0=0لو قال أنا أغليك لاتفرح بجياته

والرجل بالعقل يقدر يملك أعصابه0=0ويشوف درب السنع من قبل غدياته

حيث الرجل عند وقت الضيق يلجابه0=0ويفرح لياجيت ويسرك بقوماته

لاشك بعض الأوادم خبل وقلابه00=0وليا نصحته بلاك بكل بلشاته

وان قلت مخطي عليك يشيل مصلابه0=00وان قلت هونت قامت معه شلاته

وخبل العرب لوحشمت النفس تبلابه0=0يبلاك والناس ماتدري بغاياته

وعليك في مايقوله يفتح اجرابه0=00ويوهق الناس يمك في حيالاته

ويااللي لعبت المثايل فيه لعابه00=0وتحلل الحرف كان أهملت ظماته

ولاهم بمثلك على الأجواد نصابه00=يوم أنت تفرح على المسلم بغيباته

والحقت مشقاص نارك وأنت شبابه=00ولاتامن النار تسعر فيك شعلاته

والشعر لولاه يحكمني على أدابه00=0والله لرسم على التاريخ بصماته

لغوص بحره ويمك لفتح أبوابه0=0لماتذوق المراره عقب أهاناته

لبين اللي خفا واحرك أسبابه0=0حتى تعوذ عقب تكويك جمراته

لاشك أباأنصحك وافهم مني الجابه0=0ماكل من زل ترفى عنه خملاته

لاكن تجنب طريقن يقرصك دابه0=0وابعد عن الداب وشجرته وغاباته

ولاتحسبنك بتقديرك ملك غابه00=0ترا الملك من ملك عقله وشيماته

ومن لايقدر جنابك لاتبلابه00=0وعززجنابك عن الخايب ومناته

تراه وان جا مجالك قال طبنابه00=0لومافعل شي مير الكذب سهماته

ورزق الفتى عند خلاقه وجيابه00=0ولكن عطاه الولي في قدر نياته

والرجل يعرف مع الاقصين واقرابه0=00يعرف بطبعه وطيبه من جبلاته

والحريشبع بمنقوره ومخلابه0=00ومن طبّع الحِريعرف كل ميزاته

ولوكان نزرن يفج القلب مظرابه00=0وتشوف نثر الحمر من قوضرباته

والتبع محدن لقى من فودته ثابه0=00ولاتعجب النفس هداته وصيداته

والناس بحقوقهم صعبين وذيابه0=0وكلن بحقه يدافع عن كراماته

ولايروح حقن وراه أفزوع طلابه00=0ولابد من عال ترمي فيه عثراته

وترا الفلك كان يمك دار دالوبه=ماينفعك من بعثلك في مواساته

وصلوا على اللي بعث بالدين بكتابه=وعسى المسلمين تباعن لسناته

[منصور رشيد]

أمس الضحى في عالي الرجم عديت =وفيضت في راسه عباير خفوقي
وقعت لين ادلولس الليل ومسيت =وحولت منّه ناشفات عروقي
ورديت من بكره عليه وتعليت =وقعدت حتى شفت شمس الشروقي
أشرف على دار بها العام مريت =واليوم ماكنه سكنها مخلوقي
خليان ماكن ابتنى بارضها بيت =بس الفجوج الخاليه والطروقي
وحتى من الأوناس ماشفت ماريت =ماغير رسم باقي له رموقي
بس الشنون محذفات تشاتيت =شنونن على الديران مثل البهوقي
وشفنا الرسوم اللي عليهن تشافيت =رسوم عليها القلب مني شفوقي
رسوم عليها من ازرق الدمع هليت =دمع تحدر فوق خدي صفوقي
ليا شفت مدهال الرجال الزناتيت =تقول قلبي ينمزع من عروقي
رجال مرابعهم تهيظك لاجيت =ومرباعهم بين الجلد والعروقي
ونجورهم للضيف ترسل تصاويت =وضيانهم بالليل مثل البروقي
رجال عليهم من قديم تربيت =وفارقتهم والقلب مني يتوقي
وابديت مافي داخل القلب وافضيت =وانساق من عمق الهواجيس سوقي
وابكي عليهم كل ماصبحت وامسيت =وشكواي لله عالم الشان فوقي
وشعاد لو اني بكيت وتمنيت =ياما بكى قلبي جزينن عشوقي
وقلبي بكى حي علي غالي ميت =والدمع عقّب في ضميره عشوقي
وياما بكى رجل عليه التثابيت =قبل الوقايع هل دمع حقوقي
ولو لمني بعض الخبول السرابيت =اهل النفاق مشدقين الحلوقي
بذني صقه عن حكيهم ماتوحيت=ولا احب ناس لسراير تبوقي
وان قالو العذال وش فيك ماابديت =ماني على اسرار الاوادم نطوقي
امشي مع العام على ماتوريت =اعطي حقوق الناس واخذ حقوقي

[منصور رشيد]

يــامعذربيــن البدو ويـــش العــذاريب =ياللــي هدفــكم بالعذاريب حنّـا

خابا عليكم ناعســات الرعــابيـب =فــي ساعتا فيهــا الطـــريح ايـــتمنــّا

والبدو ماهم نزل من عالم الغيب =من العرب كنـّـا وفيهــا ســكــنّــا

وانتم علينا تصنعون الأكــــاذيب =يالله عسى من جابكم مايتهنـّـا

سوالكم بارض العروبه مقاضيب =واليوم غزو افكاركم هاجمنــّـا

ودخلتو الوسواس بين الاصــاحيب =وشفنا النفوس الطيّــبه يكرهنــّـا

وافكاركم فيها شرار ومشـــاهيــب =وشبيتو النيراان حتى احرقنــّـا

ومن الحسد فيكم روايح وتعطيب =وعلى معيشتنا العيون احسدنّــا

وزرعتو الزرنيخ مع فايح الطيب =حتى تلوث جونا من دخــنّــا

غير النفوس اللي بها الشك والريب =وافكاركم عن بعضنا فرقنــّــا

ومن يصنع الفتنه وراه العواقيب=يــاخــذ جــزاهـ اللي علينا تجنـّـا

وندري ورى الفتنـه تصــير الأســابيب=وكل النوايا الغامضه ماخفـنـّــا

وقلتم وشلـنا والجــوارح معــاطيب =نبــي انلف اعضــامنا فــي كــفنـّــا

ومن كثــر ماقلتم نشيــل الأصــــاويب=حتى تسيــل ادمينا من بدنـّــا

نبي نغطــي فاضــح العيــب با لجيـــب =لاكن نوايا قــلوبكم فجـــرنّــا

وكان الهــدف منكم تعامل تجــاريب =ماكــل مــن يطمع ابغزوا تهــنـّــا

تضيع حسبــّات النجـــوم المراقيــب =ومعلوم وان دار الفلك غيــبنّــا

ونرضى بلبس البشـت لو مابها جيــب =يوم القــلوب الغــافله سكتنــّــا

واللي سكت عن صايب الحق ومصيب=مثل اللذي مــن خلفنا كـــد طعنــّــا

والا اعترفا بالخطا مابها العيــب =العيب باللــي يحــجب الحــق عنـّــا

وان كان حنـّــا خاينين المعـازيـب =ترى بالشرف والمــروهـ كــان خنــّا

ومن خان عهده بالظروف المصاعيب= تشلــع اشجرته لــــو ورقها اخضــرنـّـا

وحنـّا اهــل اللزمات وقت المصاعيب=وحكامنا مــن فضــل الاءلاهـ~منـّــا

واللي نوانا بالمضرهـ وتخريب =عــليه برب العبــاد استعنــّــا

وحنّا هل الشيمــات واهل المواجــيب =وافعالنا وامجادنا شرفنـّــا

وحنّا هــل الغيرهـ وحصن الاطـا ليب =بيّــاعت الارواح من دون مـنـّـا

ولاطب ديرتنـا شــراذم واجــانيب =والروس تاقع عند سوقة ضعنـّـا

وحنـّـا الحـرار اللي تعــلّى المراقيـــب =يالجــاهل اسئــل قمة المجــــد عنـّــا

وافعالنــا بمعسـكرات اللواليـــب =يوم السبــاع الجــايعه يشكرنـّــا

يومنـّها فــي مرهفـات المهاديــب =تعرف مواقعنا ويعــرف وطـنّــا

لنا عــلى كـل الجـزيرهـ مضـاريب =ومنها نشينا وانتمينا وكنـّا

حنـّـا عيال اليــعربي بــالتعــاريب =طوبن سمرن لقحن وانجــبـنـّــا

[حســين الحارثي]

منصور بن رشيد.

لاهنت على هذا النقل.

والشاعر / جزاء بن صالح الحربي معروف.

ومن هنا نوجهه له تحيه ياليت ان كان يربطك به علاقه توجهه له دعوه باسم منتديات شعراء الميدان.

[عبدالله الحليفي]

منصور

لله دررررررررررك

نقل جزل جزل

وصح لسااااااان العلم جزاء الحربي

[سليمان بن بلال]

صح لسان الشاعر الكبير/ جزا صالح الحربي
والف شكر لك ياخوي منصوربن رشيد

[بلسم الجروح]

منصور بن رشيد

صح لساان جزاء الحربي
إختيار أكثر من رااائع

يعطيك لف عافيه

تثبيت لروعة ماقرات

[زبن القاضي]

منصور رشيد


الله يعطيك العافيه


نقل جميل


عساااااااااااااااااااااااني ماعدمك

[منصور رشيد]

سلمت ياحسين الحارثي
ومشكور على المرور والشاعر جزا لاتربطني به علاقه
ولكني احب شعره واعشقه حد الجنون لانه جزل واصيل

[منصور رشيد]

الله يسلمك ياعبدالله الحليفي
ومشكووووووووور

[منصور رشيد]

العفو ياسليمان ين بلال
ومشكووووووووووووووور

[منصور رشيد]

الله يسلمك يابلسم الجروح
ومشكووووووووووووووره

[منصور رشيد]

الله يسلمك يابو نهار
ومشكووووووووووور