المساعد الشخصي الرقمي

مشاهدة النسخة كاملة : مرحبا فى الموقع اللي يشرف من يجيه!!

عبيدالله العرابي
18 - 10 - 2006, 12:00
مرحبا فى الموقع اللي يشرف من يجيه

مادعينا الا محبه ومن قلبٍ محب

اتشرف يوم ارحب بكل الحاضرين

بسم ابو بندر رفيع المكانه والمكان

مثل مالحسين فى قلوب خلق الله مكانه

ضيفنا له عندنا فى الحنايا منزله
حســين الحارثي
18 - 10 - 2006, 14:17
الله الله عليك يابو سعيد
ماشاء الله عليك بدع راقي وتوجيه جميل
وانت راعي محل وترحب وتعزم كفو كفو كفوكفو
لله درك من شاعر اجادالشعر بجميع انواعه واغراضه
ننتظر من يخاويك في هذه البدعه المشوقه والمنعشه
صح الله لسانك واعلا شانك يالغالي

اخوك

سهيرالليل
ابوعمر
18 - 10 - 2006, 18:57
استلم استلم يا بعيد النظر


البقا ويعيش من جاب له قولٍ وجيه
قام يوصف تاجر ٍ لام زرع ولام حب
عاش راعي ذالبنا والبنا والحاضرين
البنا ثابت ومكنّه رجالٍ مكان
وابو بندر كل ضيفٍ يجي يعرف مكانه
كل زاير يعرف اسمه ويعرف منزله
عبيدالله العرابي
18 - 10 - 2006, 19:24
من بدالك بالوفا والمحبه وش تريه
غير طيب وعرف والغيث ينزل ماه رب
والله إنا ماسمعنا هروج اللايمين
لو تقول إن البنا كله إتولاف لان
عاش من جا فيه ويعيش به قفاز أمانه
لين كلٍ من هل العرف ياصل منهله
عبيدالله العرابي
18 - 10 - 2006, 19:48
ماعليك زود يابو بندر
ولافيه شك الواجب على الجميع
لاهنت على مرورك وتشجيعك
تقديري لك
الإدارة
18 - 10 - 2006, 19:52
من لقى معدن ذهب زين قله يشتريه=والله يا ماي الذهب ما يعود ماه رُب
الزمن هذا زمان الشرا واللايمين=لو يموت فلان عن كنزه اتولا فلان
الذهب الاصلي خلص معدنه قفى زمانه=ما بقى الا شي مغشوش مدري من هله
حســين الحارثي
18 - 10 - 2006, 20:14
ابو عمر
الله الله الله عليك انت ايضاً
رد وافي وشافي ويليق بهذه البدعه
واصلو واصلو ومالنا سواء المتابعه
بعد صلاة التراويح نكون سوياً هنا باذن الله
عبيدالله العرابي
18 - 10 - 2006, 20:22
طيّب يابو عمر طيّب


الذهب غير التجر في زمانه من وليه

من على روس الظوامي نصب الماي يصب

من قسا حِدّه على الكسر يرضى لوّلين

لاتقل مال الغني عند غيره منهبان

الغني يولي كنوز الذهب واللول شانه

وآنت ماتدري عن اللي يزين الوقت له
حســين الحارثي
18 - 10 - 2006, 20:48
الله الله وش العلم انتما تلعبان على جبهتاان
وكليكمااا مبدع ورائع والله يقويكماااااااااااا
متابع متابع متابع متابع متابع لكما باذنالله
بدع جميل جميل يقابله رد جميل ايضاً وشقر رهيب ومعنى عجيب
الإدارة
19 - 10 - 2006, 03:40
صح السانك وعلا شانك يابعيد النظر للظرف اللي ذكرت لك هذا ردي الاخير هنا وانت ابيض وجه ،،،


لا لقيت اللي معه كنز قله من ؟ وليه ؟
النصيب يصيب لاعاد تقلي مايصب
يرضي التالين يا شيخ مارضى الاولين
والذي به شر لابد شره منه بان
تعرفه من كثر شره وزود اللولشانه
لا لقيته فاعرفه لا تجادل واقتله
الإدارة
19 - 10 - 2006, 03:41
اخ حسين شكرا على المتابعه والتشجيع ،،،
حســين الحارثي
19 - 10 - 2006, 04:08
بعيد النظر
وابو عمر
صح الله السنتكم جميع
وبيض الله وجيهكم على هذه المحاوره على لون العرضه الرائعه

اخوكم فالله
سهيرالليل