المساعد الشخصي الرقمي

مشاهدة النسخة كاملة : مرحبا بالضيف في منتدى الميدان..

عبيدالله العرابي
18 - 10 - 2006, 11:42
مرحبا بالضيف في منتدى الميدان
حق واجب والتراحيب للضيفان
في محلٍ بالأدب مرتفع له شان
شيّده راع الوفا من على سيسان

وآثني الترحيب صدق وفا للزاير
مرحبا يامن تشرف زيارته
حســين الحارثي
18 - 10 - 2006, 14:22
بعيد النظر
اشهد الله انك بعيد النظر وانك ذو خلق وكرم وطيب وشعر
هذا واجبك تجاه ضيوفك وانت راعي واجب والله يالقرم
بدع جميل وراقي فوق فوق فوق فوق فوق فوق ليتني ضيف وترحبي كان جاريتك وتعلمت منك لو الشي القليل
على العموم الربع جاااايين وفيهم البركه وسوف تزين الاامور باذن الله
ابوعمر
18 - 10 - 2006, 18:26
السلام عليكم ورحمة الله

اسمحلي ارد على الترحيب


البقا والقصر ثابت على الميدان
وانا جيت اضيف في صرح للضيفان
والمرحب ما نقل عنه دله شان
الا له حكمه ومقصد وله سيسان
يعرف السامر ويلعب بزير الزاير
عاش ميدانه وعاشت زيارته
عبيدالله العرابي
18 - 10 - 2006, 19:28
ماعليك زود يابو بندر
وآنت راع الاوله والعلوم الغانمه
والمحل واحد يالغالي
بيض الله وجهك على مشاعرك الجميله ونقاء سريرتك
لاهنت يالغالي
عبيدالله العرابي
18 - 10 - 2006, 19:40
ديّن المعنى على ماتبي ودان
الرصاص الحيّ ساعة يوشيّ بان
وآنا عندي درع وقت الطعان حصان
زان علمك يالمعلم وعلمي زان
فيه نجمٍ فى السما قام يلمع ساير
بأمر ربه خالقه وإقتدارته
الإدارة
18 - 10 - 2006, 20:17
الذي وداك لاهل الوفا ودان
العوارف منهم الشاب والشيبان
درعك الواقي وقا واللسان حصان
لان كلمة راعي العرف عالميزان
والمدير اللي يامر والعلوم عساير
ماحدن يسمع منه وقت ادارته
عبيدالله العرابي
18 - 10 - 2006, 20:34
أثر صدام بهجومه يبي دسمان

مادرى إن قصور جابر عليهاآمان

هانه الله في بحر يوم فى البر هان

كان لو يدري بها ماتودّر كان

وآخر أيامه قضاها يهل أعباير

لين ضاقت في عيونه وساعته
حســين الحارثي
18 - 10 - 2006, 20:44
الله الله الله الله
وش هالابداع من الطرفين
بعيد النظر وابو عمر
لله دركمااااااااااااااا من مبدعان
واصلو واصلو واصلو
الإدارة
19 - 10 - 2006, 03:36
لظروف التراويح والقيام والصيام ،،،استلم الرد الاخير وصح السانك وبيض الله وجهك ،، ولنا استمرار معك ان شاء الله تعالى في الايام القادمه،،،




انكشف هامان دايم يبي دسمان
مير شفلك غير فرعون يا هامان
المواقف لاهلها صدق بالبرهان
فيه ناسن وصلت الموت والدركان
المضّرا بالكفا والمدلع باير
ما يصل حتى توافيه ساعته
حســين الحارثي
19 - 10 - 2006, 04:14
الله الله عليكمااااااااااااااااا
قسم بالله انكما مبدعان بشكل مايتصور
ونعدكم باذن الله في الايام المقبله والليالي الجايه ان يكون لكم لقاء مباشر عرضه
صحت اللسنتكما مدد بلاعدد

سهيرالليل