انته تحلم وحلمك يمكن يحرر فلسطين

[حســين الحارثي]

هذه المحاوره جرت في صوتية شعراء الميدان يوم السبت صباح الاحد الموافق 18/4/1428هــ
مع الشاعر المشاكس / فايز بن جزا الشدادي الحارثي


[حسين الحارثي] =
من بعد زبن انتهى قافه وقافي واحد اثنين=تعال يافايز وخلك في المرمى مكانه

والنعم ياصاحبي فايز ونعمٍ بالشدادين=اهل الصفا والوفا والكل فعله من لسانه

[فايز الشدادي] =
انا قبل ماني ببعد وترى الحاجب على العين=وسط السما كل نجم يالحسيكي وله خانه

حنا هل المعرفه وافعالنا سقم المعادين=ولا على حسين زود بكل ماجاء في بيانه

[حسين الحارثي]=
انته تحلم وحلمك يمكن يحرر فلسطين=والحلم معروف عكس العلم من ماضي زمانه

العام يوم انها شبت وقبت وينكم وين=يومي اني انخاك وتقول ابشر المطلوب عانه

[فايز الشدادي]=
ياللي سهومك سلم منها البعيد وفالقريبين=ولا عرف مذهبك يوم ان كل له ديانه

اتعبتنا معك وانته ماحصل لك شي ياحسين=بالله وش متعب ياحسين خلق الله عشانه

[حسين الحارثي] =
ياطيب فايز لو ايصلي معي ظمن المصلين=وان كان صلى معي لابده ايصوم ارمضانه

لاتفرح ولاتذل المشكله مابيننا بين=واللي يبيني يابو وديم يلقاني وزانه

[فايز الشدادي]=
ياشيخنا اللي تلفت فالصلاه يسار ويمين=واصبح امام الحرم من زين ترتيله واذانه

انته ترى مشتبه بك والقضيه بين قوسين=وحنا عن اهل المشاكل نبتعد ولنا مكانه

[حسين الحارثي] =
انا لياقمت اصلي تهجد الجن والشياطين=الجن تسلم واخو مره نطير له جنانه

حنا انتناقش ليا ذالحين برموز وعناوين=خل التفاصيل جل الناس ماعنده حصانه

[فايز الشدادي] =
تذن من اول بلا راتب ولكن صرت ذلحين=ماتذن الا ليا شاهدت مامور الخزانه

مافيه شي يتخفى كل خافي لازم يبين=والعلم بين العرب يدور مثل الاسطوانه

[حسين الحارثي]=
يافايز اللي ليا جاء الليل قربع بالمواعين=وانا احسب انه من اللي مايخونون الامانه

ياليتنا منك نسلم دام عايش لك بوجهين=وانا احسبك رجل لامنه مسك دقنه ضمانه

[فايز الشدادي] =
ماعاد به عقب هذي سور يحمي دولة الصين=من يوم راع الحصان اليوم حول عن حصانه

وجهي مع اهل الوفا بين واعرف الزين والشين=رجال واعز نفسي دوم عن درب المهانه