حمد الدحابيب وسليمان بن بلال

[سليمان بن بلال]

[حمد الدحابيب]
الله الله يا الحضور.. خلو المسرى عبور.. والنشاما ماتبور ..
ومن هذاه المنطلق سلام ياصحاب المعالي

الصداقه لصديق.. وين رايح يالرفيق.. لا يزل ابك الطيب
والسلام أثنيه واقدم للي يستحقه

[حمد الدحابيب]
المعاني فالقلوب.. والحساني والذنوب.. والسهايل والصعوب..
والكلام الذرب ما يحتاج يلقى له مجالي
راع الغربه غريب.. والدحابيب اللبيب.. ذيب من لاحاه ذيب..
والكلام الشين ما يلقا وجوب وطاح حقه


[سليمان بن بلال]
مرحبا بك ياحمد.. والوعد مثل العهد ..والثلاثاء مش لحد
أسمعوها وحفضوها ياصناديد الرجالي
أصرفوها يارجال.. بالجنيه وبالريال.. والاجابه والسوال
كل بيت فوق ساس وكل شاعر دون حقه

[سليمان بن بلال]
كل شاعر مبتدي..جاك ساري محتدي..لاسهيل ولا الجدي..
.أخذها حاضر بحاضر من سليمان البلالي
مانبا غير القراح..والهمج ذوقه ملاح..أطلب الله بالصلاح..
شاعر ودك تجيه وشاعر ودك تطقه


[حمد الدحابيب]
والبقا يا بن بلال.. غاليٍ بين الرجال.. من كريم السبال..
والله أنك بارك الله فيك ياسليمان غالي
والعهايد والوعود.. باقيه وارقا وسنود.. ياعسى المنتوج فود..
والغلا قسم الرجال وكل طيب ما نعقه


[حمد الدحابيب]
ودي أعلم وأقول.. وما جرى ماله قبول.. كيف صارت والحلول..
في يدين أميرنا سلمان كساب الجزالي
=أثر جمهور الحسا.. يوم بالشر أحتسا.. جاب عيدٍ منكسا..
مايخيب اللي نصا شرواه لق الدرب لقه


[سليمان بن بلال]
ياحمد عمرك طويل ..جبت طاروق جميل..والوفاء طبع الجزيل
الرجال لها مواقف والثقال لها جمالي
حاجة ماتطولها ...مستحيل تنولها..انت منت بحولها..
العهد ماحن نخونه والذراء ماحن نشقه

[سليمان بن بلال]
الحسا جمهورها.... من قديم عصورها...ماتخلي شورها...
ماعليك ولاعلي منهم سعد فالك وفالي
بيننا علم وخبر...جارك الله فالخطر ...الله الله فالصبر...
الصدوق نصدفه واللي كذب لعاث رقه

[حمد الدحابيب]
جعل عمرك في يديك.. ماكتب لازم يجيك.. والمناوي تحرتيك..
الجبال الله جعلها غم للبحر الموالي
الرجال الغانمين.. معركتها والسنين.. ماتوقف يافطين..
والهواء يلعب على كيفه ولا فاليد رقه

[حمد الدحابيب]
والله أن الصبر.. باح واكتلا كله ملاح.. ول ياكثر الجراح..
ماعلى شرواك زود ومكسبي من راس مالي
والليالي سم ساع.. والبلا روس الفاع ..وفعوان الغار فاع..
والليالي ماتدوم وما صدف من خير بقه


[سليمان بن بلال]
انتها القاف انتها...كيف ياقاضي تها...المعاني صنتها...
لا تحول للصحاري غير عود للجبالي
سالفه وفيتها...والجميع أرضيتها..كيف ماسويتها..
ون لقيت التايه المنجوم يم الدرب هقه