طاروق فيه مزح ثقيل

[حســين الحارثي]

هذه المحاوره جمعتني بالشاعر/ منصور سفر العضياني اول مره بالمجلس الصوتي فحبيت امزح معه وكان المزح بمثابة الاختبار له فكان شاعر ند وضد صلب وقد تغلب علي //تاريخ المحاوره 19/1/1433هــ


[مقلع الضروس]
مرحبا من هاجس يفرح ليا شاف الطراقي=مرحبا حي الله اللي شرف الحله واهلها
انت يامنصور من لابه لها فالوقت باقي=بين روق وبين بنيوس الله اعلم وش عملها
[منصور سفر الحارثي]
البقا بك يالمرحب وانتبه والجو راقي= مير ماشال الحمول الجايرات الا جملها
العضياني حما الميقاف وانته ويش لاقي= كل رجالن يبى يحمى الديار اللي نزلها
[مقلع الضروس]
انت حاشي لن برك والا وقف في طول ساقي=اترك الذيدان لامنه هدر قدمك فحلها
نعم فيكم كان جت هوشات مابين الشقاقي=وان غزوكم قوم كلٍ فلته فوقه قفلها
[منصور سفر الحارثي]
والله اني ماعتبرك الا عجورن من نياقي=مير لاتبحث عن الصكات مانت ابمحتملها
بيتنا له ساس والا انته بيوتك من رواقي= والفعول اللي تنومسنا سواتك ماوصلها
[مقلع الضروس]
لاتسابقني ترا مانته بقاوي للسباقي=ينطقع نسمك مع الرقه ولاتاصل جبلها
الفعايل لابن مهرس فالحجاز وفالعراقي=لو نشدتك عن فعولك بان في عينك خجلها
[منصور سفر الحارثي]
الله الله ماطيب الزيدي يعدل فالسواقي=لاتسابقني ترا عقدتك في ايديني حللها
كل ابونا صف واحد وانت وحدك دون واقي =القرود اللي على الضلعان ماربي عقلها
[مقلع الضروس]
المصيبه فالعراه اللي كسيناهم طواقي=حسبي الله فالليال اللي بلتنا في هملها
فرق مابين الكديش وبين ماسمي براقي=مير لاتفتل بيوتٍ صاحبك قبلك فتلها
[منصور سفر الحارثي]
انت في وجهك علامة من عالامات النفاقي=من رفع ذكرك مابين الناس لاتكذب وقلها
ابك انا وشهو رماني فيك ياوجه العناقي= العضياني كسر خشمك بعد كبدك دبلها
[مقلع الضروس]
الرجال اهل الوفا ماجابت علومٍ دقاقي=لاتطولها وتاكلها بعد شرواك اكلها
كنت ابداويك يامنصور من كثر البهاقي=مير حصلنا البلا فالكبد يامكثر عللها
[منصور سفر الحارثي]
انت لوقي ماتجيب الا سواليف اللواقي=واللواقي ماتلاقي فاللعلوم الا فشلها
والله ونعمين كان انك تبى العلم الحقاقي= كلبونا ربع والدينا كفانا الله عللها

[عبدالمجيد بن خضر]

زين ما تهاوشتوا انت والرجال ..


مزح ثقيل فعلاً هههههههه


صحت ألسنتكم والله يوفقنا وإيــــاكم .

دمتم بكل خير .

[حســين الحارثي]

ابو سمح

لا لا ابشرك ابو زهير معنا وكان العملاق معنا وعلي العلوي كان معنا وسرا يوم شاف الهواااااااااااااااااش
---------
لكن ابشرك الله ستر وزانت الامور وصح بدنك وطاب معدنك لكن وينك عنا غايب اشغلك الفيس بوك.

تصدق ان مرجع الناس للمنتديات وتقول قاله حسين لان صفحة الفيس بوك حرق للافكار حيث ان كل من طراء على باله بيت والا بيتين نشرها وضيع الفكره وحرقها.مثل الشاعر حين مايتحول الى صحفي يحرق افكاره بالمقالات والاخبار الصحفيه وتحول دون الشعر وكتابته.

ودي الخالص لك صديقي!

[عبدالرحمن الحارثي]

ابو بندر
محاورة فيها ندية من الطرفين بدأت فيها بجس نبض الشاعر منصور وكان هو ذكي في إدارة
الحوار بشكل هادي ومتوازن وان كان هناك بعض المناوشات الحادة نوعاً ما
لاهنتو

[منصور سفر العضياني]

شكرآ على هذا الاطراء والحقيقة انا تفاجأت بأسلوب الشاعر حسين وماكنت اعرف انه مجرد اختبار ولكن كان اختبار صعب شوي وابن داخل شاعر متمكن الله يعيننا عليه والجاي ااااحلى .......

[عبدالمجيد بن خضر]

والله يابو بندر .. الفيس جيد والمنتديات جيده لكن منتدانا هذا على راس هرم المنتديات حسب ظني حيث يجمع الكثير من الشعراء المبدعين والمتميزن الذين لهم صوله وجوله في الساحه الشعريه . وعلى رأسهم انت وابو زهير والكثير من الشعراء .


اتمنى التوفيق للجميع . والله لا يهينكم .

[°•.¸.•° غــّــاده °•.¸.•]

ابو بندر
مشكور على المجهود الرائع
انت بالفعل تجلب لنا ما نريده
سلمت ولا ندمت

[حســين الحارثي]

ابو سمحاشكرك جزيل الشكر على كلما قلته ولكن المفاجئه سوف تكو للشعراء السته المتأهلين للمرحله الاخيره في مسابقة شاعر الجزاله.

[**المتميزه**]

سلمت ابو بندر
اخوى حسين الحارثى
اشرافك يعطى الورود الرائحه العطره