فاحان وحمد الدحابيب بعد أنقطاع سنتين من المواجهه

[حمد الدحابيب]

فاحان
ياحمد كل ما قلنا تزين الهروج = جا من الناس منهو عكر مزاجها
انت قايد كتيبه في معسكر ....؟ = لاكن المشكله يا .................؟!


حمد الدحابيب
شفت فالناس يارجال ددسن ودوج = وما يعكر مزاج الناس بطناجها
الليالي وصال أمال واحوال عوج = ناس منها غني وناس محتاجها

فاحان
القضايا كثيره في ثنايا الدرووج = لاتقفل علاها فتح ادراجهااااا
استوت عندنا الفله دخول وخروج= مالنا في منازل عسر مخراجهااااا

حمد الدحابيب
القضايا على نفس الوتيره تدوج = والنشامى ما حب أسبب أحراجها
أنت طيب وطيب الناس حسب النضوج = والمزارع تمدح بس لأنتاجها

فاحان
خيلك اللي تسج ابها بليا سرووج =ارحم الخيل لا ترخي لكرباجهااااااااااا
كلما رحت يم البحر ناطحك مووج= راح عمرك بلاش اتصارع اموواجهااااااا

حمد الدحابيب
اللبن فالمطايا والتمر في الخروج = والخيول أستوى لناس منهاجها
فيه حظٍ يعاف وفيه حظٍ لجوج = قسمة الخير يافاحان وأخراجها

فاحان
لو للشعر فوج احطك امير فوج= مثل فوج الحرس يا مكثر افوواجهاااااااااا
يوم ربي خلق من كل الاصناف زوووج = لاكن ام الكباير كثروا ازواجهاااااا

حمد الدحابيب
جعل حظك مثل فالك وراسك يبوج = كل دربٍ عزيز ومثلكم باجها
الخطايا سوات الصمغ ماهي تموج = لين يامر لها الله وأن ومر ماجها

فاحان
في مريكا تراهم يكرمون الزنوووج = والعرب ماتمدح لاطيب ازنوجهاااااااااا
لاتغرك شفاة البنت من لون روووج =منطق البنت عند الناس هو روووجهااااااااااااااا

حمد الدحابيب
يضرب العبد في نخره ويمسي زعوج = قيمة الملح ما نستقبل أزعاجها
الهواء والله أنه في الدماء ما يحوج = والملاقيف والعذال حواجها