الحليفي عبدالله والقحطاني خولان وطاروق غير غير؟؟!!

[حســين الحارثي]

هذه المحاوره جرت بين كلاص من الشاعر /عبدالله الحليفي
والشاعر /خولان بن عامر في صوتية شعراء الميدان ليلة البارح الموافق16/2/1428هــ وقد تميزن بالقوه والحماس والمشاده العنيفه من الطرفين.


[ابو فهد]
هلا مرحبا ترحيب نار وبارود=لياولعة في راس خشم الفتيله

ياخولان ابن عامر ترا الريع مقعود=تولم ترا حملتك صارت ثقيله

[خولان بن عامر]
يدوم البقاااا والليل براق وارعود=سحابن من القبله عيوني تخيله

عساكم بعد ذيك السنه جبت لك فود=بعد كلمة اصحاب السمو والفضيله

[أبو فهد]
ياشايب بني قحطان حولت مصيود=ولا فيه قدمك غير جمر المليله

كلامٍ بلا مدلول نقصٍ بلا زود=ترا البحر ماهو مندفن بالنثيله

[خولان بن عامر]
توقع لها ضربه على الصدر من العود= وانا ادري انك لقمه صايغه ما تجي له

يقولون في الشعار حاشي ومفرود=وفيهم كما فرت قديم موديله

[أبو فهد]
تساويت الي لو ما انت غايه ومقصود=لكنك تونس لليمين الطويله

تعذرب بحد السيف والسيف محدود=كبيره تعذرب فالسيوف الصقيله

[خولان بن عامر]
وانا بعد مادري عنك وين انت موجود= ولا ادري من اية قوم ولا قبيله

ويابو فهد مايلحق القرم منقود=ولا يلحق النمقود راعي الجميله

[أبو فهد]
انا من عتيبه يوم حاوي ومردود=من افعالنا شيخك يسحب شليله

انا ما انشد اللي يخلط البيض والسود=ليا زل في دنياه ربه وكيله

[خولان بن عامر]
اثارك من اللي تعرف النقص والزود=ويا دافع جزيتك با اسهل وسيله

زمان مضى ترعون ذود ابن عبود=وذليوم فيكم حاجة مستحيله

[أبو فهد]
من اول تحدا كلما هبت النود=ومن يوم جينا مابقالك عقيله

بعد نجد حطيناك في ديرة ازيود=هذا منزلٍ مانته بلاقي مثيله

[خولان بن عامر]
زمان مضى ويقودكم شيخنا قود=مثل ما يسوق الشيخ ابو زيد خيله

وها الحين في حي الهدى نصفه قرود=تبيعون في الطايف صحون البليله

[أبو فهد]
زمان ٍ مضى روحت من نجد مطرود= وصلت الحصاه وكل برقن تخيله

ترى الله رحمكم يوم جا حكم ال سعود= وفليت فالمزه وقدر العبيله

[خولان بن عامر]
حصاة قحطان لها مشاييخ وفهود=وعزي لمن جاء في طرفها حليله

انا احسبك شاعر تعرف سعود وحمود=واثارك من اللي يبلشون الدليله