حســين الحارثي
19 - 10 - 2011, 10:26
هذه محاوره منقوله من المجلس الصوتي جمعتني بالشاعر الجزل/ ميزر الطواله في يوم الثلاثا الموافق 20/11/1432هـ آثرت نقلها لكم لكي تعم الفايده.
حسين الحسيكي
ابتدا الطاروق والمعنى بعيدٍ من يجيبه
ماله الا المورقي والا جبل والا الطنايا
جوّنا غيّم سماه وصارت الدعوه صعيبه
يالله انك لاتعيد اهل المشاكل والخطايا
ميزر الطواله
لاتفزع شمر وغامد ولا تفزع عتيبه
سرها مسرا الذيابه واترك اللي بالزوايا
كل مخطي في خطاه وكل شين له ضريبه
والله اللي ياوسيع العرف يعلم بالنوايا
حسين الحسيكي
ماطلبت الا رجالٍ فعلها كلٍ دريبه
للشعر شعار وإرجال المواقف والحمايا
الهدا والنير والعارض وحايل صاح ذيبه
وانت همك كيف تلبس غترتك عند المرايا
ميزر الطواله
نادهم ياشيخ لا طاحت على راسك مصيبه
وابشر بفزعاتهم بين الكتايب والسرايا
والله انا من رجال الطيب ونحل الصعيبه
تحت رجلي موتت كل العقارب والحيايا
حسين الحسيكي
جهزو كل السرايا وجمعوها في كتيبه
المصايب حولت من فوقنا مثل النشايا
مابقي لاخوان بدوى فالحياه الا زبيبه
والخواجات اشغلوهم بالملاهي والصبايا
ميزر الطواله
نجتمع بالساعه اللي مابها شكه وريبه
ساعة فيها يبين الصدق وتبين الدعايا
ياطويل العمر كلن ما يحوش الا نصيبه
والبدو صاروا مع الحضران في نفس القرايا
حسين الحسيكي
لاتورّى فأكثر العربان وتفاجا مغيبه
ولاتصدق كل من قال الك فالميعاد جايا
مابقا الا اربع قبايل والحقيقه هي غريبه
في نعيم وخير وامن وعز من رب البرايا
ميزر الطواله
كل غايب معه عذره لكن انته وشتبيبه
الحكايه واضحه..والله ياكثر الحكايا
دام شمر سالمه وبخير ومن الله قريبه
والحوارث سالمه.. ربك لباقين البرايا
حسين الحسيكي
الخيانه والغدر تعد في هالوقت طيبه
والوفا والصدق والاخلاص من شر المزايا
ودنا كل القبايل في نعيمٍ تهتني به
لان لو طاحت قبيله كلنا رحنا عشايا
ميزر الطواله
مشكله لاصار ماهو يامن الصاحب صحيبه
والله ان الوقت هذا وقت مجهول الهوايا
الله يديم الامان وراس منهو نعتزيبه
والرجال اللي يابو بندر يحلون القضايا
حسين الحسيكي
ابتدا الطاروق والمعنى بعيدٍ من يجيبه
ماله الا المورقي والا جبل والا الطنايا
جوّنا غيّم سماه وصارت الدعوه صعيبه
يالله انك لاتعيد اهل المشاكل والخطايا
ميزر الطواله
لاتفزع شمر وغامد ولا تفزع عتيبه
سرها مسرا الذيابه واترك اللي بالزوايا
كل مخطي في خطاه وكل شين له ضريبه
والله اللي ياوسيع العرف يعلم بالنوايا
حسين الحسيكي
ماطلبت الا رجالٍ فعلها كلٍ دريبه
للشعر شعار وإرجال المواقف والحمايا
الهدا والنير والعارض وحايل صاح ذيبه
وانت همك كيف تلبس غترتك عند المرايا
ميزر الطواله
نادهم ياشيخ لا طاحت على راسك مصيبه
وابشر بفزعاتهم بين الكتايب والسرايا
والله انا من رجال الطيب ونحل الصعيبه
تحت رجلي موتت كل العقارب والحيايا
حسين الحسيكي
جهزو كل السرايا وجمعوها في كتيبه
المصايب حولت من فوقنا مثل النشايا
مابقي لاخوان بدوى فالحياه الا زبيبه
والخواجات اشغلوهم بالملاهي والصبايا
ميزر الطواله
نجتمع بالساعه اللي مابها شكه وريبه
ساعة فيها يبين الصدق وتبين الدعايا
ياطويل العمر كلن ما يحوش الا نصيبه
والبدو صاروا مع الحضران في نفس القرايا
حسين الحسيكي
لاتورّى فأكثر العربان وتفاجا مغيبه
ولاتصدق كل من قال الك فالميعاد جايا
مابقا الا اربع قبايل والحقيقه هي غريبه
في نعيم وخير وامن وعز من رب البرايا
ميزر الطواله
كل غايب معه عذره لكن انته وشتبيبه
الحكايه واضحه..والله ياكثر الحكايا
دام شمر سالمه وبخير ومن الله قريبه
والحوارث سالمه.. ربك لباقين البرايا
حسين الحسيكي
الخيانه والغدر تعد في هالوقت طيبه
والوفا والصدق والاخلاص من شر المزايا
ودنا كل القبايل في نعيمٍ تهتني به
لان لو طاحت قبيله كلنا رحنا عشايا
ميزر الطواله
مشكله لاصار ماهو يامن الصاحب صحيبه
والله ان الوقت هذا وقت مجهول الهوايا
الله يديم الامان وراس منهو نعتزيبه
والرجال اللي يابو بندر يحلون القضايا