الشدادي والقرني وللابداع اجتمااااااااااااااااااااااااااااااع

[حســين الحارثي]

هذه المحاوره جرت بين كلاً من الشاعر / فايز الشدادي
والشاعر/ عوض القرني في ميدان القلطه والعرضه
بتاريخ 14/2/1428هــ


فايز الشدادي
هلا يامرحبا ترحيبة اهل العرف بالعـراف=ولو غيرت سير القافلـه مانـي موقفهـا

انا مازيد جاء بيني وبينك ياعوض محراف=تحزم واحتزم وشماغك الليلـه بتحذفهـا

عوض القرني
لعلـك البقـا ولاعلـي ولاعليـك خـلاف =مواقفـك ومواقفنـا يافايـز مانوصفهـا

عساها خيرة الله يوم راد الله على ذالقاف =تعرف اعلومي اللي من زمانٍ منت عارفها

فايز الشدادي
عوض قالوا نزل مكه وهي من قبل للاشراف=ومكه ماتضيق بمـن نزلهـا الله يشرفهـا

بعد عيًن مطوَف من قبـل وزارة الاوقـاف=توظـف لكـن الحجـاج عيـا لايطوفـهـا

عوض القرني
اجي مكه واجي صوب المدينه وانذكر وانشاف =ولاجتني الوجـوه الطيبـه مانـي مصرفهـا

انا ماخاف لاشفت المواقف والرجـال تخـاف =ولو زاد التحالـف فالعـدا نضعـف تحالفهـا

فايز الشدادي
سوىوان رحت والا جيت ماتحسب لكم ميقاف=تخلـي ماقفـك والنـاس ماتتـرك مواقفهـا

بعد حطوك في ذيك المجله صرت نجم غلاف=انا جاني خبر والناس وش هو لـه نحلَفهـا

عوض القرني
انا تشهد لي شيوخ الحنابل واعلما الاحناف = وغيري له علومن ما نبا ياخوي نكشفهـا

سبقني فيصل العيه وشيخ المعرفه صياف =واسولف مع رجال تنعش الخاطر سوالفها

فايز الشدادي
بنيت المذهب اللي يفرق الارباع والانصاف=وذلحينه تعذرب فالكتـب وانتـه مولفهـا

على الله والبحر ماينقصه يابوسعد مغراف=ولاجـاب الخسايـر للبنـوك الا موظفهـا

عوض القرني
انا ماشي على نهج الرسول وعادة الاسلاف = وهذي هي طبوعي والمعرفه ما اتكلفها

يا كيف يخاطب الركن المقدم عقل جندي حاف = انا باني القصور ومن حكم فيها وسقفها