طاوق رباعي عنيف. مسري والحميد ضد بن بلال وبن عواش

[حســين الحارثي]

هذه المحاوره جرت في صوتية شعراء الميدان
يوم الجمعه لموافق 12/2/1428هــ بين كلاً
الشاعر / محسن الدوسري(مسري الشعار)والشاعر / عوض القرني(الحميد) ضد
كلاً من الشاعر / سليمان بن بلال اليامي والشاعر /علي بن عواش القحطاني



[مسري الشعار]
ياسلام الله سلامن فيه خير وفيه خيره=فيه خيروفيه خيره والبدايه بالسلامي

[الحميد]
يا علي عواش وش خرجك من شبه الجزيره = اما بيع ومشترا والا مخالف للنظامي

[سليمان بن بلال]
الكلام هو الكلام وفيه سير وفيه سيره=فيه سير وفيه سيره والبدايه فالكلامي

[علي عواش]
يالحميد اليا خرجنا ننطح اجيوشن مغيره = اعرف انا في الملاقا لانهاب ولا نضامي

[مسري الشعار]
ليه مارحبت وانته شاعرن عندك بصيره=لانلحقها حسوف ولانلحقكم ملامي

[الحميد]
عاش بن عواش فارس والله ادرى عن ضميره = مرة من قوم نجد ومرة كنه تهامي

[سليمان بن بلال]
الحميد الاول اللي كلنا نعرف مسيره=كان طافت الاوله فصبر ولاتزعل شمامي

[علي عواش]
من يشك ويستشك يروح واعيونه ضريره = علي ابن عواش يفهم في الحلال وفي الحرامي

[مسري الشعار]
غلطة الجاهل تفوت وغلطة العاقل كبيره=في العصر تصلح يمام في الفجر منتب يمامي0

[الحميد]
لا تكبرها يابن عواش والدعوى صغيره = وانت لاصليت فرضك يا علي صل القيامي

[سليمان بن بلال]
العرب تعرف مدى البلجيك من مدو القصيره=كلكم غالين والمعنى على فرخ السنامي

[علي عواش]
احتزمنا بالجنابي والسيوف اللي شطيره = سرها ذالليل وتغني بها ورق الحمامي

[مسري الشعار]
الشعر نقض وتفاهم وانت ثريت الذخيره=والسوالف ماتنقص من غلاك ومن مقامي

[الحميد]
انت تسري في ظلام الليل كنك في الظهيره = انتبه يا شيخ بن عواش من مسرى الظلامي

[سليمان بن بلال]
الصلاه اللي سمعناها من البارح كثيره = يالحميد مسري الشعار قله لاينامي

[علي عواش]
ان سرينا ياعميل الخير من ديره لديره = ما جهلناها وسيفي دايم يقص العضامي

[مسري الشعار]
اكثر الاصحاب حبه في الرحاه المستديره=افهمومها واكتبوها رميتن من غير رامي

[الحميد]
بندقك زينه ولكن المشاكل في الذخيره = تذبح ابن العم يا عواش وتخلي الحرامي

[سليمان بن بلال]
الذخيره محتسيها ونطح القوم المغيره=علم اللي ماعرف شعبان من شهر الصيامي

[مسري الشعار]
الحصان اعرف صهيله والبعير اعرف هديره=مثل مانعرف مواقيف الثبيتي والزلامي

[الحميد]
ابن عواش انتبه لكن بشرنا بشيره = وصلوا له يا جماعتنا تحيه واحترامي

[سليمان بن بلال]
نعرف الغدران وعرف البحور اللي غزيره=ونت يارع الرساله عاد عيدك كل عامي

[علي عواش]
الموظف منظبط مير المصيبه من مديره = والحميّد معترف له في الملاقا والزحامي