تعال ياقاضي عتيبه ودنا نمزح معاك

[حســين الحارثي]

ابو نهار
السلام عليكم ورحمة الله وبركاته
تعال نبي طاروق مع الظهريه مدري ويش جاني عليك اليوم مير الله يستر منك


سلام والا مرحبا ثنتين ترفع مستواك=ان قلتها يابو نهار اقولها حب وغلا

تعال ياقاضي عتيبه ودنا نمزح معاك=واليا مزحنا معك لاتضرا وتاخذها حلا

[حمد الدحابيب]

الله الله يابوبندر محرف طيب من وجهٍ سمح

وفي أنتظار أبونهار

[حســين الحارثي]

ابو جابر
الطيب في وجهك
ومرورك مكسب فديتك

اخوك
حسين

[زبن القاضي]

استلم يابو بندر


يامرحبا دام البقاء في مبتداك ومنتهاك= خابرك صادق ياحسين الحارثي مابك بلا

ترى القضاء مافيه مزح اصمدعلى مالله عطاك= ولا البلوت مع اهلها قل حكم ولا قل ولا

[حســين الحارثي]

الله الله يابو نهار


وحده بوحده واشهد انك يالعتيبي ماعلاك=والكل لك خابر ولاحدٍ في فعولك يجهلا

لكن يا قاضي تُهى وش مستند به في قَضاك=يومك تمدح بالاسم يازبن قدام الملا

[مشاري الكرشمي]

الله الله يابوبندر اتمنى ان تقضي على القاضي المجرم
محرمسني امس وحالف يمين اني لعلمك مار نسيت

[حســين الحارثي]

ابو غازي هلا ورحب والله
انت مرعك تقرا الطاروق؟؟!!!
ماعلاك منه اتركه انتهى والله يرحمه

[زبن القاضي]

ياحسين فكر واعرف ارضك ثم ميز في سماك= تنزل وتطلع يالحسيكي ماثبتلك منزلا

شف ويش قدمك يالحسيكي لاتناظر في قفاك= اسم وفعل لاتندفع ترى امس ماهوب اولا

[حســين الحارثي]

كلٍ يشوف الناس من طبعه وانا ماني سواك=هذي فعولك يازبن بثبوت واشهود اعدلا

قاضي على نفسك ولن صريت قلي وش وراك=سد اشنبي يابو نهار اني لالقيك الخلا

[عبدالله الحليفي]

ابك ابك ابك وش هالطاروق

والله انه اجرام وابداع في آن واحد

لله درررررررررررررررررركم

ابو نهار ارتك على جبل نبا نشوف المنكرات في هالحسيكي

ازززززززززززززززهل الصف

الليل الليل

[زبن القاضي]

القول سهل ومع دروب العز لايقصر مداك= اليا جهلت انا تراني ياحسيكي مجهلا

مابين رمح وسيف مدري يالحسيكي وش رماك= والله مافكك لين تحضر عندي اثنين اكفلا

[زبن القاضي]

عبدالله الحليفي

مشاري الكرشمي


اررررررررررررررررررررررررررررحبو


عساني ماعدمكم

[عبدالله الحليفي]

يااااااااااااااااااااااسلام ياااااااااااااااااااااااااسلام

لا زال الإبداع مستمر

ارخ الموس يابو نهار على روس المجنن هههههههههههههههههه

[حســين الحارثي]

ابو فهد
هين هين
لك يوم والله

[مشاري الكرشمي]

لقه الخلا يابوبندر هههههههههههههههههههه ابعدي

[حســين الحارثي]

ياللي توصيني وانا اللي عارفٍ داك ودواك=ان طال عمرك وان قصر تبقى على حجمك على

ياللي تداحم في رجال العرف ماتدرك مناك=اعرفك لحيه طيبه مير الشوارب تفتلا

[حســين الحارثي]

ابو غازي ازهله والله ان قاله الله اني لاحدره الوديان والقيه الخليان>>>>>>>يقوله وهو خايف ههههههه

[محمد العتيبي]

حسين

زبن القاضي


الله الله



شعار وربي وربكم الله

واصلوا لاهننننننننتوا

[حســين الحارثي]

الشمالي الغربي
ارحب ارحب ارحب يالله حيه وبيه
ماعليك زود ياخوي محمد قليل مما عندك يالغالي
شرفتنا بحضورك النير لاهنت

[عبدالله الحليفي]

ابو نهاااااااار

الليل الليل

جبل مايهزك ريح خل مشاري يتفى حسين الليله خخخخخخخ

[زبن القاضي]

على التحدي والتصدي ياصحيبي وش حداك= احيان اقول انك فهيم احيان اقول مهولا

ابعد يابو بندر لاتقرب من مدار الاشتباك= تراك لحيه غانمه والله يمهل ماهملا
صح السانك يابو بندر


ولله درك

[حســين الحارثي]

الشاعر / زبن القاضي
بيض الله وجهك بياض يشع مع كل ريع
شاعركبير والكبيرالله واللعب معك ياخذ طابع الحماس والفتل والنقض
وانا اليا لعبت معك احضر كل ادواتي الشعريه واحسب للبيت الف حساب
كان لي الشرف والفخر في مجاراتك في هذا الطاروق والاستفاده منك.
صح بدنك على قولك صح لسانك وصح لسانك واعتلا شانك على هذا الابداع الغيرمستغرب من شاعر بحجمك.
اتمنى ان اكون وفقت لو الشي القليل في هذا الطاروق معك.

اخوك
حسين الحارثي

[عبدالله الحليفي]

ابو بندر وابونهار

لله درررررررررررررركم على هذا الإبداع الا مستغرب منكم

وصحة السنتكم مدد بلا عدد

ومتابعتكم دروس

[زبن القاضي]

الشاعر/حسين الحارثي

بيض الله وجهك والله ماعليك زود يابو بندر وهذا ان مادل فانما يدل على تواضعك طال عمرك

وتشرف بالعب معك ومع شرواك

[محسن الحارثي]

ابو بندر وابونهار

لله درررررررررررررركم على هذا الإبداع

[حســين الحارثي]

ابو فهد
لاهنت وماعليك زود
لو انك تلاحق العيدان من العصر هههههههههههه

لاعدمتك والله

[حســين الحارثي]

محسن الحارثي
ارحب ارحب يالله حيه
ماعليك زود والله يالغالي
وصح بدنك اليوم ودوم


اخوك
حسين

[حمد الدحابيب]

صح الله السانك يابوبندر وصح الله السانك يابونهار

قاف حماسي ولعب فحول

تحياتي

[حســين الحارثي]

ابو جابر
لاهنت وصح الله بدنك يالغالي

اخوك

حسين

[حســين الحارثي]

حسين الحارثي
سلام والا مرحبا ثنتين ترفع مستواك =ان قلتها يابو نهار اقولها حب وغـلا

تعال ياقاضي عتيبه ودنا نمزح معاك =واليا مزحنا معك لاتضرا وتاخذها حلا

زبن القاضي
يامرحبا دام البقـاء فـي مبتـداك ومنتهـاك=خابرك صادق ياحسين الحارثـي مابـك بـلا

ترى القضاء مافيه مزح اصمدعلى مالله عطاك=ولا البلوت مع اهلها قـل حكـم ولا قـل ولا


حسين الحارثي
وحده بوحده واشهد انك يالعتيبي ماعـلاك = والكل لك خابر ولاحدٍ في فعولـك يجهـلا

لكن يا قاضي تُهى وش مستند به في قَضاك = يومك تمدح بالاسـم يازبـن قـدام المـلا

زبن القاضي
ياحسين فكر واعرف ارضك ثم ميز في سماك=تنـزل وتطلـع يالحسيكـي ماثبتلـك منـزلا

شف ويش قدمك يالحسيكي لاتناظر في قفـاك=اسم وفعل لاتندفع ترى امـس ماهـوب اولا

حسين الحارثي
كلٍ يشوف الناس من طبعه وانا ماني سـواك =هذي فعولك يازبن بثبـوت واشهـود اعـدلا

قاضي على نفسك ولن صريت قلي وش وراك = سد اشنبي يابو نهـار انـي لالقيـك الخـلا

زبن القاضي
القول سهل ومع دروب العز لايقصـر مـداك=اليا جهلـت انـا ترانـي ياحسيكـي مجهـلا

مابين رمح وسيف مدري يالحسيكي وش رماك=والله مافكك لين تحضر عنـدي اثنيـن اكفـلا

حسين الحارثي
ياللي توصيني وانـا اللـي عـارفٍ داك ودواك =ان طال عمرك وان قصر تبقى على حجمك على

يومك تداحم في رجال العـرف ماتـدرك منـاك =اعرفك لحيـه طيبـه ميـر الشـوارب تفتـلا

زبن القاضي
على التحدي والتصدي ياصحيبي وش حداك=احيان اقول انك فهيم احيان اقـول مهـولا

ابعد يابو بندر لاتقرب من مدار الاشتبـاك=تراك لحيـه غانمـه والله يمهـل ماهمـلا