الحميد وخولان وطاروق روعه

[حســين الحارثي]

هذه المحاوره جرت في صوتية منتديات شعراء الميدان
يوم الخميس الموافق11/2/1428هـ بين كلاً من الشاعران
الشاعر / عوض سعد القرني(الحميد) والشاعر /خولان بن عامر القحطاني


الحميد]
سلام سنه يا جماعات وافراد =يا علني ماخطيت لاحييت سنه

اللي يجي يبشر بدله وبراد = والكيف خولاني قفاره وبنه

[خولان بن عامر]
يامرحباااااااا ترحيبةٍ نورها زاد=ترحيبةٍ من شاعر طاب ظنه

الشعر له شاعر وفي الشعر قصاد=وابو سعد ذليل عني وعنه

[الحميد]
ابك البقا خانة ملايين واحاد = يا شاعرن معروف للناس فنه

المشكله والموت في نقد نقاد = اهل الحكم ما بين نارن وجنه

[خولان بن عامر]
حاولت اجامل مير يالربع مافاد=يبغى يبكيني ويضحك بسنه

المشكله في الما لكي واهل بغداد=لاتحسب انها بين شيعه وسنه

[الحميد]
لاسرت راعي جود في ديرة اجواد = تعطي العطا وتقول ما فيه منه

المالكي ضيع بطولات الاكراد = والخبث في عينه لو انه يكنه

[خولان بن عامر]
لاعاد ذاك اليوم لاعاد لاعاد=يومن يون العود 90 ونه

ماعاد فيها ياهل بلقرن مقعاد= اما نسل السيف ولا نسنه

[الحميد]
بالكاد اميز راعي الصدق بالكاد = والبرد قارص والعرب وسط كنه

اكرب حزامك واسرج الخيل( باشداد) = ودن الطبل للحرب سبعين دنه

[خولان بن عامر]
ان كان ما ميزت في الصاد والضاد=ولا قبرناكم ببطن المجنه

اللي يضيع خوة الملح والزاد=ودك يربط في حنايا الدينه

[الحميد]
مانيب قايل ليت ما فات ينعاد = يا طالب الموت المسمى تمنه

خولان له عيدن ماهو شكل الاعياد = ماهو بعيد يكون خمته جنه

[خولان بن عامر]
ماتت زبيبه بعد ما مامات شداد=وعنتر بعدهم عاش من صغر سنه

خيلت براقن من الشرق منقاد=لكن سيله ما حد شرب منه