بن بلال والحارثي وطاروق رائع

[حســين الحارثي]

هذه المحاوره جرت في صوتية شعراء الميدان يوم الخميس
الموافق 12/2/1428هــ مع الشاعر / سليمان بن بلال اليامي


[سليمان بن بلال]
سلامي برديه بمعنى وطاروق=على منتدى فيه الرجال النشاما

انا يوم ادور حاجتي داخل السوق=أبا الغاليه مالي سواها مراما

[حسين الحارثي]
هلا مرحبا ترحيبةٍ فنٍ وذوق=على منهج اهل الطيب شرقٍ وشاما

تقدم يابو منصور والغاليه فوق=وقوم الوفا فالغاليه ماتلاما

[سليمان بن بلال]
بقيتوا لنا ولكم مشاريه وحقوق=ودون الهدف يمكن بحور تطاما

هل المعرفه تعرف على كل منطوق=لكن ويش رايك فالجد دوالقداما

[حسين الحارثي]
عسى الله يكافينا المشاريه والبوق=ولامن رسمت النا الهدف مانظاما

يقال القصايد عند اهلها كما النوق=مع اصحابها والخير في كل عاما

[سليمان بن بلال]
يقولون في الامثال مع صبح وشروق=وعلم ترا ملح الرجال العلاما

أعرف القصايد غصن وزهار وعروق=وحنا لنا ولكم عهد ولتزاما

[حسين الحارثي]
يقولون وانته كل ماقلت موثوق=لكن كيف اعلم وانت باد الكلاما

عسى الله يخليكم ويدراكم العوق=ونصبح سوى فالدين تحت النظاما

[سليمان بن بلال]
معك الاتجاه وخابرك منت مطفوق=وبيع المشاعر بالدراهم حراما

ليا شفت لي فالدرب ياحسين زاروق=خذيت الحذر والناس تحت الكماما

[حسين الحارثي]
مشاعر غدت مابين سارق ومسروق=لكن قول ياليامي عليها السلاما

لياشفت عامر فاللقا جنب مرزوق=اقول اننا في خير والحظ قاما

[سليمان بن بلال]
لو أشوف لي مصلوح ماني بمسبوق=ياكثر اليدين اللي نراها تواما

ترا الحق قالوا كنه السيف مذلوق=ولاني بطامع في حلال اليتامى

[حسين الحارثي]
ياكثر الرجال اللي تدور لها اغبوق=لياعذرت فالماء وزين الطعاما

احد يعطي الحق كاش والبعض مفهوق=واحد يجحده ويقول ياما وياما

[سليمان بن بلال]
وبعض الطعام يشابه السم مدفوق=ولا هو لنا والنور غير الظلاما

ولا خيل السحاب اللي بلا رعد وبروق=ولا اشيل رشاش بليا حزاما

[حسين الحارثي]
ياشاعر قبيلة يام ولعينها موق=لك الطيب والتقدير والاحتراما

انا ما اتعب اعيوني ولا القلب محروق=على اللي لياجات اللوازم يناما