الصقر ومقلع الضروس

[حســين الحارثي]

صقر الحارثي
ياسلام الله سلام اسلام من قبل العلومـي = بعدها نادو حسيـن الحارثـي والله يعينـه

ان بغا الدعوى حرابه يبشر بفرك الخشومي= وان بغى الدعوى معاني يحتزم دون المدينه

حسين الحارثي
مرحبـا ترحيبـةٍ تسـد لـك كـل اللـزوم=من هجوس الشاعر اللي لاوقف جاب الثمينه

ان بغيت الاوله عنكم تـرو بعـد النجومـي=وان بغيت الثانيـه كـلٍ وماتفعـل يمينـه

صقر الحارثي
البقا وانا اعرفك بدفاع والا في هجومـي= والصقر معروف لامن للحباري لد عينـه

ليه ما اخترت الاخيره حتى مايلحقك لومي= مير انا بختارها لك قبل اذوقـك الغبينـه

حسين الحارثي
دام تعرفني علامك تتعرض قدم السهومي=ياعسى من لامني بك ماتطول به سنينه

انت تبغى خط جده والا ودك بالجمومـي=في كلا الدربين لي جره وفعلي عارفينـه

صقر الحارثي
كان جت للعرف والله مااجهلك ليلي ويومي = من يلومك من فعولك يرحـم الله والدينـه

انت وش حدك تجي بين الشلاوى والبقومي = والقصر مانعرف اللي مالكه من ساكنينـه

حسين الحارثي
ياصقر كانك ظفر قلي كم احساب النجومي=ان عرفت احسابها والا قلعناك ال.جهينه

الوفا والطيب قسمٍ للرياجيـل القرومـي=والقصر عامر بضيفانه وملك موسسينـه

صقر الحارثي
الظفر حنا هله يوم الرمك مثـل الغيومـي= قبل اعرف اللي طموحه عد الانجم كل حينه

ياحسين الحارثي تحلم ومن كثر الحلومـي= قمت تبني لك هرم والفير ساسه حافرينـه

حسين الحارثي
مانقل فيكم قصور ولانقل فريّس قومي=شيخكم عند الملاقا نعم لاشمّر يدينـه

ماتحلمنا ولاشلنا من الفيـر الهمـوم=الهرم راسي وقاسي ولعو ياحاسدينه

صقر الحارثي
ماعليكم زود فالثنتين كلٍ لـه قسومـي= والله يخلي لكم ميسان بحصونٍ حصينـه

انت خيرك للبعيد وشرك ال.ربعك عمومي = مير من حبك ترا القبر الك حنا حافرينـه

حسين الحارثي
هيه ياستر البني ان طشن اجداد الهدومـي=الله يخلي لكـم كتنـه ويحفـظ لـك كتينـه

والله اني مع قريب ومع بعيد احمى السلومي=ماحسبت اللي ملا قلبه لنا حقـد وضغينـه